[صائد الذباب]

يا حلو
***<<منقول>>

يا رايق خالص مالص

ياتخين جدا وسمين

يا حلولا يا ورده يا فله

يا معشش من سنين

يا بو مخ سايح نايح

غير مخ البنى أدمين

يا منور فى التشريفه

ومضلم فى التخمين

يا بو كرش واسع ماسح

من قوت المصريين

يا صباح الخير ياريس

اسرح فيه وبرطع

ولا تسئل فى التانيين

مرعوب كده ليه يا حلاوه

ومفاصلك ليه سايبين

وتموت فى الدبلوماسيه

وتخاف م المفديين

وتشوف الحل السلمي

فى الراديو وفى الجرانين

تتنهد من معاميعك

وتقول قادر يا معين

ما تصح النوم وتفوق

وتشوف بتكلم مين

الشعب خلاص يا مرحرح

ماتو........ جاعنين

مين خانك يا بلادنا

ومين قتلك يايسين

ومين بهدل بلدنا

ومين ومين ومين

ويا مصر يا أول صوره

فى عيون المولودين

ويا مصر يا آخر صورة

فى عيون الميتيين

يا بلدنا يام الدنيا

ما بقينا متشحورين

يحرم إسمك علينا

,ونعيش متشردين

لو سبنا الندل يدوسك

أو عشنا مغلوبين


صائد الذباب من امام معتقل المغول