[صائد الذباب]

ياجماعة.....الموضوع أخطر من حقوق الاقباط

أذاى عايزين تسترجعوا حقوق الاقباط ....فى وقت أن البلد كلها مسلمها بقبطها متاكلة حقوقة؟؟؟

أذاى هتبحثوا عن مخرج لاوضاع الاقلية <الاقباط> والبلد كلها ...كلها...أوضعها غلط فى غلط؟؟؟

وبيانات أية وفرنساوى وانجليزى أية؟؟؟....لازم الاول يكون لينا هدف اكبر واعمق ...لا يتعارض مع هدف البلد كلة...يعنى لازم البيئة تتنضف الاول من الفساد الضارب فيها

أنتم عارفين ...قرأت فى بعض الجرائد عن الفساد الضارب فى وزارة مثل وزارة الزراعة

فصعقت

6 أشخاص استولوا على 10 الف فدان من بتوع مشروعات الشباب وزوروا أوراق أنها سلمت لهؤلاء الشباب لاستصلاح هذة الارض...وسرقوا بموجب هذا التزوير مبلغ100 مليون جنية

دة قضية واحدة كشفت غير ماخفى كان اعظم

والاخ ميزو اللى بيقول انى بهرج ويدافع على القديس يوساب

ولا هو ولا القديس يوساب انضربوا بسبب البلد

ولا هو ولا يوساب قطع خط تلفونة لانة بيكتب اللى جواة

ولا هو ولا يوساب مستعد يضحى بكل شىء فى سبيل البلد والمطحونين فيها

انا بقول الكلام دة لاننى من المظلومين فيها

فأنا خريج معاهد عليا لغات...ومع صنعة ميكانيكية...ودخت السبع دخات وفى الاخر..ز.وخدمت الجيش...ورحت 6 شهور فى حرب الخليج او تحرير الكويت

وبعد أن طفح أهلى فى تعليمى الكوتة

ماذا أعمل ؟؟...أنا بشتغل فى أحط المهن...أنا أعمل فى صناعة الخيش...الجوالات

واوقات بشتغل شيال...نعم شيال فى سوق فى منطقتنا...الشغل مش عيب

بس العيب انى بكل ما املك وقربت انساة...يكون حالى هكذا ...ليس أكثر من شيال

اللى يشوف الصياد الصبح فى العمل ...لا يعرف انة نفس الشخص اللى بيكتب هنا

انا مزدوج الشخصية...وكان لازم اكون بشخصيتين...شخصية تهان وتحس من التعامل معها انها شخصية واحد جاهل...يسمع الشتائم على المسيحين والمسيح ولا يتكلم علشان لقمة العيش

وشخصية اخرى ...تكتب الشعر والقصة الطويلة وترسم الوحات ..وتطارد من المباحث....ولولا ستر اللة وتدخل اهل القوة لكنت الان فى خبر كان......الخ الخ

طظ فى كل من يتكلم من فوق برج عاجى او عالى

انا الصياد....انا فعلاً خير مثل لشباب ضاع ....لشباب شاب قبل الاوان

أنا الصياد....أنا الشعب المطحون...أنا صديقك الحزين على بلدة وعلى نفسة وعلى اهلة

أنا الصياد ....أنا مر الصبار...اللى بيجرى فى الدم ...ليل ونهار

أنا الصياد....الباكى ...الشاكى ليسوع...المهرج دائماً على الاحوال

أنا الصياد...اللى كل أملة فى الحياة تكبر أبنتة وهى بتفخر بهذا الصياد ...ولا تلعنة

أنا الصياد....اللى كل يوم بينحرق دمة وهو بيشوف السرقة والفساد بتخرج اجيال تافهة

بتركب احدث السيارات وانا مش لاقى قوت يومى غير بالضاليين...انا عمرى ما بصيت فى حاجة مش بتاعتى ولا احب اكون فاسد بس بحزن ان اصحاب البلد تعبانين ...

كفاية ...كفاية....انا بهرج من غلبى ...بدل ما اتجنن او اتشل...لو رجعتم لاشعارى هتعرفوا مين هو الصياد واية اللى جوة الصياد...هتلاقى الصياد هو انت واخوك وابوك وكل الناس المظلومة فى البلد....
دة انا ياراجل قربت اكفر حتى برجال الدين ...اللى بقى كل المسيحية بالنسبة لهم وظيفة مش اكتر...حرام ...بجد ...نفسى نصحى ونفووووق ...بجد يسوع لو موجود ...ودة زمنة كان
هو اللى عمل مليون مظاهرة ومظاهرة...بتقوللى غير نفسى الاول...طب هو انت تعرفنى.؟
غير نفسك انت يااستاذى العزيز الاول...وساعتها هتشوف كل الناس متغيرة ...

<<فالذى بداخل الانسان هو هو المنظار الذى يرى بة الجميع>>

وفى النهاية بقولكم ...أنا لى طريقى وماشى فية وبشتغل مع ناس كتير...كلهم علمانيين

لا يعترفوا بوجود الاديان فى الحكم ...وانتم لكم طريقكم الواضح ...وهو الرغى واللات والعجن

بس يارب العجين مينحرق منكم ...وتلاقوا عمركم ضاع بلا طائل...كان نفسى تتحركوا

ولو مش مصدقنى ...اقترح اى اقتراح فية تحريك للماء الراكد ....وشوف مين هيكون معاك

انتظر الرد ...او الردود

اخوكم

الصياد...محارب الفساد ...فى كل البلاد