[mizooo]

الى الاخ العزيز صائد الذباب
ليس معنى كلامى ان لا يكون لنا وجهة نظر , ان لا يكون لنا حق فى الدفاع عن حقوقنا , ولا اضطهاد ليك انا بناقش فكرة متناقده مع الفكرة بتاعتك . وبعدين كل اللى انت كاتبه عن حياتك ربنا مش هاينساهولك ربنا يكللك بيه بس بلاش نبقى سطحيين وتعالى نتعمق انت ملاقيتش شغل واشتغلت زى ما بتقول فى ناس كتير مش لاقيين شغل وانا منهم ولو انت مش عاجبك الشغل سيبه مع انك بتقول ان الشغل مش عيب انا بستغرب . وبعدين كل الناس عارفه ان يوم ماهتتخرج مش هتلاقى شغل لدرجة ان حصل معايا موقف غريب واحد ساكن فى مصر الجديده بيجيله زبال بيسأله انت متعلم قاله انا اتخرجت فى اقتصاد وعلوم سياسية وربنا يعلم بكلامى وشاهد على انى بقول اللى حصل بأمانه . لو انت حاسس ان انت اتهانت ربنا هينظر لاهانتك وهايساعدك انما ده مش معناه اننا ننقم على البلد ولا على اللى فيها ياما ناس تعبانه وبتموت وماحدش بيسأل فيها المهم هو اللى جاى لو انت اعوز تصلح هقولك تانى صلح فى ذاتك وده للكل مش ليك انت بس دى هى البدايه من هنا هتلاقى اللى حواليك يتساألوا على سر التغيير اللى فيك (يسألونكم على سر رجائكم) وصللوا وجهة نظرك او بمعنى اخر فلسفتك التغييريه وبعدين العب معاه لعبه بسيطه وحاول تغيره من هنا هتلاقى ليك شغل تانى مفيد ودور فعال فى تغيير الوضع القائم ووللعلم انا مش بعيد عن تفكيرك بس ما بحبش ابقى من بره انا بحب ادخل للعمق عندنا رشاوى وفساد والة ادب وجهل وتخلف وسفسطه وناس مش فاهمه فى حاجه بتكلم وناس فاهمة وصلوا لدرجة العلماء ومابيتكلموش انا شايف زيك بس هعمل ايه هغير داخلى وهوريهم لان الحل مش ثورة ولا اضطهاد ولا اى فعل عدوانى الحل هو الصلاه وبقلب خاشع تطلب تغير داخلك ومن هنا تغيير الناس . اناممكن يكون كلامى ما يعجبكش لكن انا بقدم وجهة نظرى وللعلم لا انت اول ولا اخر واحد يتعمل فيه كده انا مثلافقدت اعز الناس عندى علشان التهاون فى علاجه من قبل الدوله واتمرمط واتبهدل فى المستشفيات ولا داعى انى اكمل ربنا يساعدنا وانا اسف لو كنت حاد

الحل مش ثورة لتغير الوضع القائم الحل صلاه فى الاول ثم تغير النفس والذات ثم محاوله لتغيير افكار الاخرين ووجهات نظرهم ومن هنا بقولك لو شفت حاجه غلط اتكلم وما تسكتش والا هرجع واقول اننا نقعد نتكلم ويوم مانقع فى مشكلة ولا ييجى اللى احنا مستنينه نتهرب صلولى