لو تعرفوا ياولاد.....جددنا كانوا عظام
كانوا فى زمن صح.....كانوا تمام التمام
لحد مادخلها أبوسيف.....خاللى الحضارة حطام
من سلئط.... لملئط .........لحرامى شيك
لشيك ....ودولار......يبيعك ويشتريك
تأخدهم يمين تدفعهم........بالشمال.وحقك يضيع من ايديك
من تاجر فى دمى ....ودمك......لحكومة تسرقك ...ولا تحميك
شقطوا البلد...ياولد........وخالوها على الحديد
حديد فى ايدينا ..فى رجلينا......والعدل ضاع فيها .....شريد
شريد مشيت فى الوطن ...مالى سند........وانا كنت صاحبها العتيد
عتيد ....واصل البلد أنا .....من كام الف سنة....تفشنى اللى جة جديد
جديد ....اية اللى جوانا جديد؟؟.....ما فى شىء جديد...أيامنا لنفسها بتعيد
بتعيد ذل كل يوم ...كل ساعة......الفرح مات ...والحزن اصبح وليد
أمتى تصحى يابلد؟؟؟....أمتى يجى ليكى ولد.....يبعث العدل من جديد
أمتى يجى الولد؟؟.....أمتى يجى الولد؟؟...أمتى يجى الولد؟؟؟