[makakola]

العزيز الغالى معتز
دائما غاضب يا عزيزى؟؟؟
ربنا يديك الهدؤ والسكينه يا عزيزى وأشوفك فى أتم صحه وهدؤ أعصاب دايما إن شاء الله

بص يا غالى، الموضوع مش صعب الفهم زى ما إنت فاكر، وأعتقد إن الجميع عرفوا أنا أقصد إيه
المفروض فى برنامج زى البرنامج ده، إنه من البرامج الموجهه للدعوه، عن طريق إظهار توبه الضالين، وكيف أنهم ندموا على ما كانوا يفعلون وأنهم عادوا لوجه الله وأبدوا ندمهم
ضيفه البرنامج وثقت فى شخص تعرفه، وعلى أساس كلامه راحت لتصوير البرنامج وهى لا تعلم بأنه برنامج دينى، وكلنا عارفين إن الضيفه راقصه، مش كان المفروض إن الراجل اللى هى واثقه فيه يقولها إنه برنامج دينى، ومن حقها ترفض أو تقبل؟؟ ألا يسمى هذا خديعه؟؟
مش على الأقل كان يمكن تلبس لبس يليق ببرنامج دينى، ولا هو علشان هم ليهم غرض معين فى بالهم ما قالوش على إسم البرنامج ولا نوعيته؟؟ ألا يسمى هذا خديعه؟؟
لغاية ما الضيفه بدأت تجاوب على أسئله المذيعه، والمذيعه لم تفصح لها عن نوعية البرنامج، لغاية ما الضيفه شافت إسم البرنامج على الورق وأدركت أنها وقعت فى الفخ كقولها، ألا يعتبر ذلك خديعه؟؟
نفس البرنامج حامت حوله شبهات كثيره من قبل من نوعيه دفع مبالغ ماليه للضيوف، ألا يعتبر ذلك خديعه؟؟
هل الخديعه مباحه الإستخدام فى أساليب الدعاية للدين؟؟
هل الضرورات تبيح المحظورات؟؟

طالما الخديعه مباحه زى ما شفنا من مقال الجريده، وتستخدم فعلا بأساليب شتى، يبقى تساؤلى عن هل تستخدم هذه الأساليب أيضا مع فتياتنا المغرر بهن، سؤال منطقى أم خارج كما تعتقد؟؟

أرجوك يا عزيزى دع غضبك جانبا، فسترى عقلك يعمل وترى ما تقرأه بعيون أخرى غير عيون الغضب