قلبى عليل ياناس
و بلدى....هى دواة
مديت... لبلدى أيدى
شربت من اللى فى النيل جواة
قلبى...أنخطف
وعقلى من مكمنة تاة
وأية يداوى الصياد
من غدر ..دبحوا....كواة
قلبى على بلدى بيبكى
ونيل أتحول دماة
والحلو صبح مرار
والدمع صبحت طوفان مياة
ياحزنى عليكى يابلدى
من أنياب ديابة صايباة
ياحزنى عليكى ياأمى
ياللى قتلوا جواكى الحياة
ياحزنى...والف حزن عليكى
مالى أنا غير قولة ...أة والف أة
كان نفسى أكون ليكى عنتر
أو حتى أبو زيد
أخطف ليكى نجم من السما
أو أكون فيكى شهيد
كان نفسى ياأمى
أكون...وأكون...وأكون
شاعر
راهب
وقوتى كما شمشون
كان نفسى
كان نفسى
كان نفسى
أمضاء
صياد ألآحلآم