يعنى أنتم مش لقين مرشح قبطى واحد يوحد ربنا؟؟
وقاعدين تلفو وتدوووروا حولين بعض وتتفننوا فى اللف
وأنا الصياد اللى رشحت نفسى من سنة
أنا ليس مزدوج الجنسية
مصرى أب عن جد ....حتى جدى الكبير كان خوفو أبن خوخو...وعمى الكبير رمسيس ومينا موحد القطرين
وشربت من ماية النيل لحد ماجالى التهاب مزمن فى القولون
ولافف وداير البلد حتة حتة
نمت على الارصفة
وحششت مع المعلمين الكبار فى الباطنية أيام ماكانت موجودة
وشربت بانجو مضروب من بتاع الصعيد الجوانى
ولعبت مع الواد كتكت بتاع الجيارة
ولفيت مع فار السبتية وهربت معاة من الحكومة
واخد أكتر من 12غرزة ذهبية فى أكتر من مظاهرة
وكمان يومين ممكن تلاقوا صورتى على الورقة أم 100 جنية
وبعد دة كلة جايين تسألوا عن المرشح
أما عجيبة