يا استاذ سامى صدقنى انا باحترم رأيك وانا نفسى المنتدى ده يكون لمناقشة القضايا الاجتماعية و الحقوقية للاقباط بس للاسف بعض اعضاء المنتدى "المحترمين" كل همهم الشتيمة و السب و القذف و الكلام القذر عن سيدنا محمد صلى الله عليه وسلم و عن زوجاته امهات المؤمنين
ولو لاحظت فلا يوجد مسلم واحد دخل هذا المنتدى و سب فى قديسينكم او قساوستكم او رسلكم المذكورين فى كتابكم المقدس
ببساطة اى كلام فارغ و مهاترات و اتهامات يقولها اى احد من الاخوة الاقباط لن يؤثر فى الاسلام او يزعزع عقيدة اى مسلم
افضل من تضييع الوقت فى الشتيمة و السباب انصحكم نصيحة خالصة بمناقشة قضاياكم و مشاكلكم و حقوقكم السياسية
لكن للاسف هناك مجموعة كبيرة منكم شاطرين قوى يعملوا مظاهرات و يشتموا فى النت و نفسى اعرف وجه الاستفادة من الكلام العبيط ده
مصر السنة دى فيها انتخابات رئاسية و انتخابات مجلس شعب ولو بجد الاقباط عايزين يبقى ليهم دور فى البلد دى دور محترم و مشارك فى بناء و تنمية مصر يا ريت يشتركوا فى الانتخابات دى و يحاولوا مرة و اتنين و تلاتة و لكم فى اعضاء مجلس الشعب من الاخوان المسلمين اسوة حسنة فرغم مطاردة الامن لهم و عدم الاعتراف بشرعية جماعة الاخوان المسلمين استطاعوا ان يكون لهم 17 نائب فى مجلس الشعب
لو بجد عايزين تتكلموا عن حقوقكم الضائعة اللى بتقولوا عليها شاركوا فى المجتمع و بلاش نظرية الجيتو اليهودى اللى انتم حابسين نفسكم فيه
اما اى شىء اخر او تصرفات غريبة مثل الحديث عن احتلال المسلمين لمصر و كذلك الاستقواء بالولايات المتحدة فده زى ما انتم عارفين طبعا كلام لا يودى و لا يجيب كلام ناس بتهرج او كلام ناس عايزة حرب اهلية فى مصر و عايزين يبقى فيه فتنة طائفية و احتقان فى العلاقات بين المسلمين و الاقباط
فى النهاية مش عارف ليه حاسس ان المشرفين عن المنتدى حيمسحوا المشاركة دى و ارجو ان اكون على خطأ
و السلام عليكم و رحمة الله و بركاته