عزيزي فانوس .. بالرغم من انك مش مصري الا انك اكيد عارف كويس الاحوال في مصر عاملة ازاي .... وانا معاك وبأكد ببساطة .. ان الانترنت والمنتديات دي .. هدفها الاساسي والاول والاخير اننا نقول راينا بصراحة وصدق بدون اي نوع من انواع الرقابة او الخوف . لكن في نفس الوقت بأسلوب متحضر ... واللى خلاك راجل متحضر ومتعلم ومؤهل انك تتعامل مع الكمبيوتر والانترنت يخليك برضة على قدر من الوعي والثقافة وادب الحوار ..

يعنى على سبيل المثال لا الحصر .. لما تناقش بهدوء بصورة متحضرة .. افضل بكتيير اننا ندخل نشتم ونسب في دينى او دينك .. وطبيعي انك لما هتشتم انا هشتم وهتتقلب المحاورة لشغل عيال صغيرة وسفالة وقلة ادب ودة اخر شيء عايزين نعملة ولا اية ؟؟ ومعلومة بسيطة جدا ( انت غير راضي عن دين الاسلام ولا تؤمن بمحمد صلي الله علية وسلم وتحقرة وتسبة وتلعنة .. فهذا شأنك انت .. ولكن ذلك لن يغيرني قيد انملة في احترام وتقدير عيسي علية السلام وسأظل احبة ايضا شئت ام ابيت ) .. طبعا الكلام مش موجه لك بصورة شخصية يا فانوس ...

اما بخصوص ان المسلمين بيخافوا من الانترنت .... فاعتقد انجك كنت بعيد شوية عن الحق في الموضوع دة واكبر دليل هو انى بكلمك دلوقت وغيري وغيري ....... انا مش جاي اشكك في دينك او تشككنى في دينى .. لكن هدفنا الحوار ذاته والاستفادة منه ...

وانت اكيد عارف وسيد العارفين ان الجنة مش حكر على مسلم او مسيحي بس ... مسيحين كتيير هيدخلوا النار ومسلمين كمان معاهم ... عشان الايمان دة مش كلمة في شهادة ميلاد وخلاص دي بقي حاجة بتاعة ربنا وربنا اعلم بيها ... ولا اية ؟؟

ودمتم