|
عزيزي knowjesus_knowlove
بالرغم من ان كل كتاباتك بتعكس كم ضخم جدا من التطرف الدينى والمغالاة في تحقير من يخالفك وعدم تفويت اي فرصة في اي موضوع ولو كلمة
صغيرة للاستهزاء والتعريض بسيرة المصطفي صلى الله علية وسلم ... بس هقولك اية ؟؟ عموما انا عارف انك زكي بما فية الكفاية انك تقرأ
ردودي كويس وتعرف انا اقصد اية بالظبط ..... وبعدين لما تقولي ابن تيمية او تقولي اجيبلك احاديث بالفعل ان النبي بتاعك بيعمل كذا وكذا وكذا ...
سهلة اوي اقولك - وحاشا لله - وانا كمان معايا سي دي علية تسجيل فيديو علية الحواريين بيتسابقوا بالموتوسيكلات ...... هتقول كذب وافترا
... اجيبلك مخطوطات من الف سنة وروراة شافوا بعينهم اللى هيكلها الدوود الكلام دة ويأكدوا لك ان من 2000 سنة كانت شبكات المحمول
مهببة وخدمتها منيلة بنيلة .....
عذرا من اسلوبي الساخر يا عزيزي ... ولكن اعتقد انه مر عليك وقت ليس بالقصير ابد في مثل هذه المناقشات العقيمة .......ويبدو ان لم تتعلم
الدرس جيدا ..... وساحاول تبسيط الامور لك ولغيرك .... ببساطة كدة وبالعربي العامي عشان الكل يفهم من غير كلكعة ....
سنعود بعد الفاصل
فاصل اعلاني ...................................
في فيلم جمييل اوي اوي بتاع شون كونري اللي اسمة LXG the league اللى كان فية الرجل الخفي ومصاصة الدماء ومستر هايد ( الدكتور
جايكل ) ....... الخ ...... ( شايف انا مسلم وبتفرج على افلام الفرنجة ازاي ؟؟ هاهاهاهاه )
ما علينا الفيلم دة في مشهد حلو اوي اوي ( مش مشهد ( توووت) يا ناسا جيرل .. وبلاش تفتكري انى من اياهم )
المشهد دة لما مينا هاركر ( مصاصة الدماء ) كانت واقفة وبتحارب الشاب ( مش عارفة اسمة اية ) اللى كان خالد ومش بيموت .....
الخلاصة الاتنين مش بيموتوا وقاعدين يضربوا في بعض في مقتل لكن المشكلة لو قعدوا في المعركة دي ليوم القيامة محدش هيموت لان اللى
بيتصاب بيرجع يلتئم تانى وهكذا ........... يعنى ببساطة تضيييع وفت والموضوع عبثي بحت ......... ياتري يا knowjesus_knowlove فهمت انا
عايز اقول اية ؟؟
لو فمهت يبقي خير وبركة ولو مفهمتش اوضح اكتر ....
سنعود بعد الفاصل فابقوا معنا ......
فاصل اعلاني ...................................
يعنى هتفضل تقولي ديانتك غلط ورسولك بيعمل كذا وكذا وكذا ... بأحاديث وكتب ومراجع مضروبة والف عالم اسلامي منسوب ليهم الكلام دة
واسرائليات وقصص عجيبة وغريبة .. وديانتك ديانة سفاحين وقتلة ومغتصبين وبتوع معيز وشوف اد اية بيتنصر كل سنة مسلمين عشان عرفوا ان
الاسلام دين الشيطان ... الخ ..............
وانا هرد عليك ان ديانتك محرفة مع اننا بنحترم رسولك والدين المسيحي نفسة لانة دين توحيد .. وكتابك محرف واجيبلك ادلة على تحريفة واقولك
نشيد الانشاد .. واهوليا واهوليبا وان ربنا مش بتاع ( توووت ) عشان يوصل للمستوي دة من الكلام ... وانتم سفاحيين وعملتم ابادات جماعية في
عصور محاكم التفتيش وفي العصر الحديث في يوغوسلافيا للبوسنة والهرسك .. وكوسوفا وان اللى بيعتنقوا الاسلام الاف مؤلفة كل سنة لانهم
بيكتشفوا زيف الادعائات عندكم .......................... الخ
وبعدين ؟؟؟؟؟؟؟؟؟ هاهاهاهاهاهاهااه هنوصل في الاخر لأية ........ ؟؟ للاسف مفيش اي اثبات فعلي لكلامي او كلامك الا العقل
والمنطق مش مجرد اوراق او متن او مراجع مدسوسة ........ لما كل شيء يبقي مشكوك فية بما فية الكتب والمراجع والاحاديث ... يبقي الواحد
مفيش قدامة الا انه يفكر بالعقل ويوزن الامور بدماغة كدة ويشوف بدون اي ضغوط خارجية أو جعل اي مؤثرات من برة تأثر على تفكييييرة لانك
مش ممكن هتفكر صح وتوزنها صح طول ما انت حاطط في دماغك صورة الدين الاسلامي كدة او رسولة - صلي الله علية وسلم - كدا ....
سنعود بعد الفاصل فابقوا معنا ......
فاصل اعلاني ...................................
بالمناسبة ..... الشيء اللى عمر ما حد يختلف علية ان الرسول صلي الله علية وسلم لم فتح مكة عفا عن الكفار اللى فيها ( ماذا تظنون انى
فاعل بكم .. قالوا خيرا اخ كريم وابن اخ كريم .. قال فاذهبوا فانتم الطلقاء ) من دخل المسجد الحرام فهو امن ومدن دخل دارة فهو امن ومن دخل دار
ابي سفيان فهو امن ...... ) تفتكرو الرسول معملش ابادة جماعية لية باسم الجهاد وهو منتصر وكل الاوراق كانت في ايدة ولو امر المسلمين كانوا
عملوها برك دم ودبحوا الموجودين كلهم .... تفتكر خاف لامريكا تقطع عنهم المعونة ؟؟ ولا خاف من حلف الناتو يشن علية حرب ؟؟ ولا خاف من
الام المتحدة ؟!!!!!!! سؤال يطرح نفسة على الرأي العام
معلش طولت عليك بس متنساش انى اسمي غلاباوي ............
اما الاخ فانوس ... فموضوعك كبييييييييييييييييييييييييييييييييير اوي ومش هينفع ارد علية هنا ... لكن قريبا كدا وحصريا على المنتدي دة ....
هحكيلكم حكاية الغزو الاسلامي لمصر في موضوع خاص وانفراد جديد .... فأبقوا معنا ..............
|