شفت يا غلاباوي انتهي الحوار في بوتقة الكلام العقيم
عارف انا هقولك علي حاجة يمكن انا لا اعترف بحاجة اسمها
حوار الاديان. نفسي واحد مسلم يبطل كلام في الدين و يفكر
ازاي يتعايش مع الاخر و مش فاهم لما اجاوبك عن نشيد الانشاد
و عن كل حاجة انت عايزها وانت تجاوبني عن كل اسئلتي هنحصد اه و اه اللي هيتغير وبعدين ليه نضيع حياتنا في حوار الاديان العقيم عقم ازلي ده. و بعدين طالما انت طلعت زي غيرك راجع قسم حوارات الاديان و اقراء كل مواضيعه لأن اسئلتكم لا بتتغير ولا بتتحدث هي هي فبدل ما نعيد و نزيد
و نرط و نعجن روح راجع و تعالي و عموما بعد دخلتك انا قلت بس واحد عاقل هنتكلم معاه عن مشاكلنا اللي هي جزء من مشاكل البلد طلعت زي عمرو خالد بيقول نفس كلام الشيوخ بس بروشنة.
يا غلاباوي احنا محتاجين تواصل مش تناحر الاقباط اتعزلوا بفعل فاعل عن كافة انواع الحياة بكل انواعها و المتشدين منكم بيدعوا لارجاع شريعة اهل الذمة و نديكم الجزية و نحن صاغرون و المعتدل بينادي بمعاملتنا برحمة يعني بردة بنكون في مستوي اقل. و طبعا هتقولي الحكومة متحيزه لكم و البلد ظالمة الكل هقولك البلد عبارة عن اجهزة ومؤسسات بيشتغل فيها مصريين و في كل الانواع و الاشكال بس الاكيد لما يكون القبطي منبوذ علي المستوي الاجتماعي بيطلع دينه مع اجهزة الدولة.
و بعدين حكومتنا مش بتعرف حد حاجة يعني بطرمخ علي المشاكل
يا عم الغلاباوي افتراضا اني مشرك بعبد صليب و خروف و معزة و ديني انا اللي مألفة ده معناه اني مليش حق اعيش ده معناه ان المجتمع يتذمت معايا. انا ياما عملت حوارات اديان لما مرارتي انفجرت بس سألت نفسي اه النتيجة لا اقنعت حد يكون مسيحي و لا انا اقتنعت اكون مسلم. و بعدين عقل اه اللي انت جي تقول عليه يا غلاباوي من يرضي بالدين يطرد العقل علي رأي بن كثير يعني اللي هيرضي بالله المتجسد هيرضي بالاسراء و المعراج و هيرضي بشق البحر لعبور اليهود.
الدين في الاخر هو اسمي العقائد لانه بيربطك بأشياء غير محسوسة و لعلمك انا مش ضدد المسلمين ان ضدد العقول الخرفانة يعني كل واحد حر في عقيدته بس في انه يمحي التاني بأستيكة لأ و الف لأ.
و لعلمك انا كمسيحي وانت كمسلم رغم اقتناع كلانا بديانته الا انه اكيد عبر مرحلة عدم الثقة و الشك بالدين بتاعه و اكيد كلانا عنده نقط يجهلها تماما. المشكلة هنا ازاي نعيش ازاي نتواصل لاني علي رأيك هي لو بقت معركة هتكون معركة ازلية معركة محدش هيفوز فيها و الانسان هو الخاسر الاوحد لانه
هو اللي بيدافع عن شئ ليس ملكه اصلا وصاحب الشأن هو القادر علي الانتصار و طالما هو كلي القدرة يبقي مش محتاج للانسان عشان يقتل و يمحي الانسان الاخر.
عارف هنا ليه الناس محتفنة و متعصبة عشان في المجتمع معزولة و حظك انك قابلت الناس اللي معظمها طفش من نار العنصرية الدينية الموجودة عارف لو فيه ناس كتير من جوه المجتمع هيكون الموقف اصعب بكتير.
عموما لو عايز شرح لكل حاجة انت عايزها خش حوارات الاديان لان حرام نفضل نهاتي و نعيد كتابة 3452256 صفحة عشان نشرح و في الاخر النتيجة واحدة خناقة و بس.
سلام و حتة يا غلاباوي علي قدك