لا يا بلبل ... الكلام مخلصش ولا الحوار انتهي .. احنا لسة بنقول يا هادي وانا مش بكلامي دة بشكك في كلامكم ابدا .. بالعكس انا بحترمة جدا .....

مش عيب ابدا انك تحترم الرأي المضاد حتى لو كنت عارف انه في قرارة نفسك غلط ...

واحد بيعبد ايس كريم كيمو كونو .. انا هحترمة جدا جدا وهوعدة انى مش هاكل الهه ... اي نعم عارف انه اهبل وعبيط .. بس احتراما للشخصية اللى قدامي هحترمة واتحرم معتقداته على الاقل عشان الاقي منه احترام متبادل لثقافتى الدينية ومعتقداتى ....

يعنى في كلمتين ونص وبكرر الكلام دة للمرة المليون انا مش جاي اناقش الصلب ولا الفداء ولا الانشاد ولا غيرة ........ انا قلت قبل كدة ومازلت اؤكد انى في غيري اعلم منى ويعرف احسن منى واولي منى بالكلام في النقط دي .........

انا كل كلامي كلام واحد عادي جدا بيحسبها بالمخ والعقل صح ... مش اكلمك بالعقل تقولي احاديث ودلائل ومراجع .... لا عايزيك لو سألتك حاجة تجاوببنى اجابة منطقية مباشرة بدون الاستناد لأي شيء ......... الانسان عرف ان في كون وفي خالق ورب المفروض يعبدة من غير ما يكون في كتب سماوية ولا مراجع ولا غيرة .. بالفطرة والتفكير في ان لكل شيء خالق وصانع ........... فهمتوا كلامي ؟؟؟


ثانيا ودة الاهم وهكتبة بالبنط العريض جدا .......... انا معاكم ان ليكم حقوق زي ما لينا حقوق بالظبط طالما احنا شركاء في الوطن والمفروض ان الوطن مش بيفرق بين شخص وشخص على اساس دينة ( على الاقل في مصر ) يعنى لو برضة في في مصر عبدة بقر وعبدة نار واوثان ... المفروض ليهم حقوق متساوية يمكن مش هتكون متساوية مع حقوق الاغلبية .. ايا كانت .. لكن حتى الاقليات لازم احترامهم ومنحهم حقوقوهم كالمة وغير منقوصة لأي سبب .. وفي المقابل وزي ما لهم حقوق عليهم واجبات لانها طبعا مش سايبة .... وانا واحد من ضمن ناس كتيير جدا ضد اللى بيحصل حاليا ... المفروض ليكوا حقوق تبنوا كنايس براحتكم .. هو يعنى احنا دافعين حاجة من جيبنا ... واعملوا جمعيات بمزاجكم .. وتعملوا كل اللي نفسكم فية في حدود النظام والاعراف المتعارف عليها ... مش معنى كدة انى راضي على النظام الحالي .. ومش عايز اسمع واحد يهمس ولو همس او مجرد همس ان النظام في مصر اسلامي او بيضطهد حد وبيسيب حد اللى يقول كدة يبقي يا اما عبيط وساذج وبيضحك على نفسة يا اما عارف الحقيقة وبيتغابي لمجرد الحصول على دعم وتعاطف من حولة وانتوا اكييد عارفين اسرائيل كسبت اد اية من تعاطف العالم كلة معاها بعد موضوع افران الغاز ومذابح اليهود ( الهولوكست )

وبعدين مين اللى قال انكم مضهدين والمسلمين لا ؟؟ طب ما فية وزراء مسيحين في مصر ولا انا غلطان ؟ وبطرس غالي كان اية ؟؟ وشركات الادوية مكرم بسيلي ..
ومصانع بشاي للصلب .., والمملكة المتحدة اللي اسمها نجيب سويراس اللى كل حاجة في مصر له دخل فيها .. دة لو انا بصيت تحت السرير اخاف الاقيه موجود .....

واعيادكم بتعملوها محدش بيقولوكوا حاجة ... حتى عيد القيامة بنخرج معاكوا كمان وبناكل فسيخ زي ما تقولوا كدة مشاركة وجدانية ...

نيجي للدولة تلاقيها بتاخد ضرايب منى ومنك ومش بتقول دة مسيحي نزود علية او دة مسلم نلغيها من علية ......... لما بنقف في طوابير العيش كلنا بناخد ومفيش طابور ليكم او لينا
في المستشفيات الدكتور بيعالج اللى قدامة حتى لو كان بيعبد الفراخ البيضا او مرقة ماجي

وبعدين هنرووح بعيد لية ؟ هات واحد مسلم وواحد مسيحي بيعاكسوا بنات في الشارع والبوكس خدهم .. صدقوني المخبر مش بيفرق ابدا بين القفا المسلم والقفا المسيحي والاتنين بياكلوا بالجزمة على دماغهم وهي دي قمة التعبير عن الوحدة الوطنية في المعاكسة ...

والاقي ناس هبل ولا عبط جايين يقولك امن الدولة بيخطف المسيحين عشان يخليهم مسلمين ..

من امتى امن الدولة يهمة مسلم ولا مسيحي ؟؟ عمرك سمعت عن يهودي بيصلي التراوييح؟؟

لو سمعت عنها عادي ممكن تحصل لكن اللى مش ممكن يحصل ان واحد امن دولة يبقي اخوان او وهابي اسلامي ... اذا كانوا هما اساسا بيحاربوا العالم دول يبقوا منهم اازي .؟؟!

لانها متفعش اساسا ... من غير دلائل ولا براهين بالعقل كدة .... وبعدين منتوا شايفين اهو .. لو هما عايزين يخلوا المسيحين يأسلموا ما يخلوا المسلمين يبقوا مسلمين بجد ويصلوا كل الصلاوت في مواعيدها .. ويحكموا بالقانون الاسلامي زي السعودية مش القانون الفرنسي الوضعي الحالي ..... ويبطلوا ال ( توووت ) اللى في التلفيزون والبرامج الهايفة وال( توووت ) الاعلامي اللى بيحصل دلوقت دة .......

احنا في مصر 70 مليون نسمة منهم تقريبا ممكن نقول 60 مليون مسلمين او اي نسبة عايزينها ان شالله نسبة الربع وال 3 ارباع ...
مش هنزيد يعنى لما واحد يأسلم ولا هنخس لما واحد يتنصر ... مش فارقة حاجة مع نظام الدولة ......... فكروها بالعقل وبيلاش التفكير العبيط دة ..........


اخي العزيز بلبل ..... لبكم حقوق ولينا حقوق ومحدش يقدر ينكر الكلام دة ابدا ... والمفروض نساعد بعض عشان كل واحد ياخد حقة .... بدل اللي احنا بنعملة دة ...

ودمتم