الاخ العزيز سامي .. اسف لتأخري علي الرد وذلك لظروف انشغالي .. وعموما قبل اي كلام احب احييك جدا

لانك شخص محترم وبكلامك بتفرض احترام اللى قدامك مهما كانت ديانتة او كلامة .
يمكن يا سامي نختلف في حاجات كتييرة اوي لكن يمكن نشترك كلنا في حب مصر مهما كان وصدقنى لو حتى

كان فضل يهود في مصر لحد النهاردة مش هقدر انكر انهم كانوا برضوا هيفضلوا بيحبوا مصر ..

يا عزيزي للمرة المليون أأكد انا مش مجرد بوق بيتكلم وخلاص او بتكلم بأسلوب ديبلوماسي سياسي او لف ولا

دوران .. انا فعلا ومش انا لوحدي كمان .. كلنا بنأكد على ان ليكم حقوق والحقوق دي مهما كانت مكفولة ليكم

وبعدين مش معنى اللى ظلموكم مسلمين يبقي هي دي المشكلة .. وارجع واقولك للاسف في مسلمين

بالبطاقة وبس وزي ما في مسلمين كويسين ومسلمين عايزين ضرب النار .. في برضة اقباط كويسين واقباط

عايزين الحرق بجاز .. ولكن الغبي بس هو اللى يجمع الكل في سلة واحدة ...
طب ماهو زي ما الام تريزا مسيحية .... مارلين منرو برضة مسيحية ..... ياتري الاتنين زي بعض ؟!!
زي ما الاستاذ عمرو خالد مسلم .. صدام حسين مسلم .... هل تساوي الاتنين ؟!

انتوا ليكوا حقوق علي عينا وراسنا .. وصدقنى الكل هنا تحت ساطور النظام واحد ... وسيبك من الهبل والعبط

بتاع الاضطهاد وان الحكومة بتخطف مسيحين عشان يأسلموا ... هو من قلة المسلمين ؟ ولا شايف الريس

ربي دقنة وبيقولك انا امير المؤمنين ؟؟ ومن امتى امن الدولة اللى مالوش اي هدف في الدنيا الا انه ( توووت )

الملتحيين والاخوان يسعي دلوقت يأسلم المسيحين ؟!!! صحيح شر البلية ما يضحك ...
وبرضة هقول احتمال بتحصل ... بس تفتكر بنسبة كام في المية ؟؟ هل الكلام دة منتشر ولا حوادث فردية ؟!
من امتى بيتبص على ان دة مسلم ولا مسيحي ؟؟؟ هات اي اتنين مسلم ومسيحي بيعاكسوا في الشارع

والبوكس يمسكهم ؟؟ تفتكر المخبرين بيفرقوا بين القفا المسلم والقفا المسيحي ؟!! ولا الاتنين بيتنفخوا ؟؟

وعذرا على اللفظ ...

محنا طول عمرنا عايشين مع بعض عالحلوة والمرة ... حاربنا سوا الفرنساويين والانجليز واليهود .. ولو مينم جة

بكرة برضة هنحاربة سوا ... امتى وقفنا قدام بعض ولا اضهدنا بعض .. الا من الحكام والحكومات اللى بتجيلنا ...
لكن الشعب مع بعضة اخوات وسمنة على عسل .....
وهديك مثال على كدة .... في في مدينتى صيدلي مشهور اوي قبطي .. لكن راجل زي السكر كبير في السن

وشاطر جدا في مهنتة لانة بيشخص اي مرض وبيعمل العلاج بنفسة ويحضرة في معملة بالصيدلية لان معظم

العيانين مفيش عندهم ترف التجربة في المرواح لدكتور برة وياخد الشيء الفلاني .. موجز القول ان الدكتور دة مع

خبرتة وامانتة وطيبتة مع الكبير والصغير والمسلم قبل المسيحي كان دايما مبتسم للكل وبيحب كل الناس

وسمعت كتير انه كان لما بيشوف مريض على قد الحال كان بيرفض تماما انه ياخد تمن للدوا دة مهما كان غالي

.. عشان كدة كان بيجي له ناس من محافظات تانية من اللى بيسمعوه عنه ....
الصيدلي دة مات من فترة ... وتتعجب من منظر الجنازة والناس اللى شاركت فيها واللى عمري ما توقعت انها

كدة .. لدرجة ان المرور ظل اكتر من 4 ساعات متوقف تماما من كتر الناس وكأنها جنازة رئيس دولة او وزير كبير

وشفت بعينى ناس كبار مسلمين ومسيحين رجالة وستات بيبكوا في الجنازة على الراجل دة ....

تفتكر وقتها الناس افتكرت هو مسيحي ولا مسلم ولا رأية اية في رسول الاسلام (صلي الله علية وسلم ) او او

او .......؟؟؟؟؟ كل اللى افتكروه هو سيرتة الكويسة وامانتة ومواقفة النبيلة

انا مش سنى كبير لكن اللى اعرفة ان ليا اصحاب مسيحين وجيران يمين وشمال وعايشين سوا وبناكل من

اكل بعض وبنشارك بعض في الاحزان قبل الافراح .. عمر ما سمعنا واحد بيقول حمادة ابن امنة ولا رسولكم

............. الخ

اما بخصوص الامانة فالموضوع دة محدش ينكرة ابدا واكبر دليل على كدة ان معظم جواهرجية مصر ان لم يكن

اغلبهم اقباط . عشان مشهورين بالامانة ومحدش ينكر دة ابدا .. وهضرب لك مث

من امتى بنعيب في بعض يا سامي ؟ ... لو انتم ليكم حقوق وانتم اقلية احنا نحاول نساعدكم تاخدوها من

الظلمة المسلمين اسما دول وبرضة نساعد نفسنا ناخد حقوقنا .. وتزعلوا اوي لما يتكتب في خانة الديانة

مسلم او مسيحي .. تفتكروا بتبقي عايزة ذكاء ان المسلم والمسيحي يتعرفوا من غير البطاقة ؟
واحد في اسمة محمد او احمد .... وواحد في اسمة ميشيل او بطرس ... متهيألي ظاهرة اوي للعميان

حتى .. واوعي تنسى انى مصري زي زيك .. او انك تفكر زي ما الجهلاء يقولوا ان المسلمين اللي في مصر عرب
مش هنكر دة لكن نسبة كام العرب فيهم ؟؟ 30 % 40 ؟؟ اعتقد اقل من كدة بكتيير اوي
يعنى يوم ما يحصل اي حاجة لبلدي هشرب من دم اللى يقرب منها حتى لو كانت السعودية نفسها ....
وبقولها بالفم المليان .. يوم ما فرضا السعودية تحارب مصر هتلاقينى انا اول واحد يضرب السعودية بالمدافع

ويهدها على دماغ اللى فيها مع عدم الاقتراب طبعا من امكاننا المقدسة بتاتا ...

لكن هل تفتكر لو امريكا جت وقالت انا جاية مصر عشان اشيل الاضطهاد عن المسيحين من المسلمين ...

ونرجع الحقوق للمسيحين ... ياتري هتستقبلوهم بالورود ضد المصريين المسلمين اخوانكم ؟؟

ولا هتقفوا مع المسلمين ايد بأيد في خندق واحد ؟؟!!! ياريت تجاوبنى على السؤال دة

قبل ما انهي كلامي عايز أاكد على نقطة ... وهي ببساطة انتم ليكم حقوق ومحدش ينكر دة .. يبقي من الاولي

تكسبوا تعاطف اللى حواليكم وتعاطف المسلمين نفسهم وصدقنى هما اللى هيجيبوا لكم الحقوق دي ... لكن

لما مسلم يدخل ويلاقي الشتايم والسب دة ... تفتكر هيتعاطف معاكم ؟؟ ولا هيعمل على النقيض .. ويوم ما

يمسك موقع حيوي او موقع سلطة هيضطهدكم اكتر واكتر بسبب الكلام دة ؟ وفي المقابل دينكم بيقول احبوا

اعدائكم يعنى دة لو حتى احنا بقينا اعداء بعض ... مش اشتموا وسبوا اعدائكم .... ولا اعتقد ابدا ان فية

جايزة تقدمها الكنيسة لأكتر واحد يشتم ويسب في الاسلام .... الدين المسيحي دين محبة وسلام وعدل لا

دين قذارة وقباحة وعبارات مشينة لا تجدها سوا على ابواب الحمامات العمومية .....

فأرحوا الا نحول الانترنت الي باب حمام كبير .. نشتم ونسب ونلعن ونقول افظع واقذر ما لا يمكن ان نعلنه او نقولة

علنا ..............


--------- واما شاعرنا الكبير صائد الذباب ---------------

لم اجد الحقيقة ابرع منك في الادب وقلة الادب .... لا اعرف ما سر نبوغك في لغة المفروض انها لغة اعداء العرب الحفاة رعاة الاغنام .. لما لا تبرع في لغة الاصلية ؟؟؟


والعزيز فانوس لا يوجد ما اقولة لك الا .... ( قالوا سلاما سلاما )



وشكرا