يا سلام على الخيبة التقيلة فى طريقة كلامنا مع بعض... احنا سيبنا ايه للناس التانية.

مجدى خليل قبل المقال ده كنت باحترمه لكنه للأسف سقط من نظرى و اتضح لى ان متعصب و عنصرى.

ممكن اسأل الاخوة المدافعين بحرقة كام سؤال:-

1) واحد قاعد مع مراته و بناته و جه واحد عاوز يقعد جنبهم و احنا يدوبك بنعرف نقف جنب بعض فى القداس عشان الزحمة يوم الاجازات و الكنيسة فى اغلب المناطق بتبقى صغيرة.
2) واحد قاعد جوه و عاوز يخرج بره الدكة و الراجل ومراته قاعدين يعدى ازاى؟؟؟؟؟؟؟!!!!
3) فى صلاة الصلح ايه اللى هيحصل لو فيه اختلاط ؟؟؟؟؟؟؟؟؟؟ طبعا واضح ان مجدى خليل حامى الحمى هو و الناس اللى بتدافع عنه لو بيروحوا كنيسة كانوا اخدوا بالهم من الموقف ده.
4) فى التناول الرجالة هتتناول مع الستات و لا كل واحد فى مكانه يعنى الستات لما تروح مكانها للتناول و الرجالة كذلك هتبقى عشة فراخ مش كنيسة!!!!!
5) كل واحد و خطيبته كمان يقعدوا جنب بعض فى القداس و طبعا انتم عارفين فترة الخطوبة هاتك يا كلام و ضحك!!!!

ده اسمه تهريج تهريج تهريج و بعد اذنكم يا ريت حد يبعتى لى رسالة خاصة فيها الايميل بتاع مجدى عشان ابعتله الكلام ده.

يا جماعة الموضوع ملوش دعوة بالاسلام و البدو و الكلام الفارغ العنصرى ده لكن ليه علاقة بأحترام بيت ربنا

"اما انا فبكثرة رحمتك ادخل بيتك اسجد في هيكل قدسك بخوفك "(مز 5 : 7)

صدقونى حاجة تحزن اللى احنا بنقوله ده. يا جماعة قداسة البابا تعبان بجد يعنى ممكن فى الايام الجاية نسمع اخبار وحشة لا قدر الله و الكتاب بيقول "اضرب الراعى فتتبدد الرعية" يعنى العملية مش ناقصة تفاهات مجدى خليل. احنا بنخش الكنيسة كل واحد المفروض ينسى كل حاجة برة باب الكنيسة حتى اسرته و يرفع قلبه لربنا بالصلاة . الكنيسة مش نادى يا جماعة حرام عليكم.