إقتباس:
|
المشاركة الأصلية بواسطة kotomoto
بصراحه يا جماعه انا محبط جدا من مستوى النقاش اللى تم فى الموضوع ده, مستوى هابط جدا....
فعلا, المصرى هيفضل مصرى, النيل رواه و التخلف جواه :(
|
بالعكس النقاش دة كان ممتع ما عدا الكام تطاول اللى ما كانش ليهم لزمة. أنا أكتر حاجة بتضحكنى فى المواقع الإسلامية إن ييجى واحد ينشر آخر فتوة أو مقالة تافهة و بعدة عشر مشاركات تقول "بارك الله فيك" و "آمين" و لا يتجرأ أحد على الإختلاف. الشئ الوحيد اللى إحنا عايزين فية تمرين هو إحترام و تقبل الرأى المختلف.
نعود للموضوع:
الأقباط إتعلموا من المسلمين إن الزنا هو إن إثتنين يعملوا شئ غلط و نسيوا إن إللى ينظر لإمرأة نظرة شريرة فقد زنا بها فى قلبة، و تمام بالنسبة للبنت مفيش فرق. و طبعا اللى يملأ رأسة بمثل هذة الأفكار هو اللى بعد كدة هيزنى على الطريقة الإسلامية يعنى إحنا المفروض نمنع المشكلة من أساسها و هو الأفكار الشريرة و زنا القلب و دة ممكن يحصل بدون إختلاط.
أنا فى رأيى الإختلاط و التعود على الجنس الآخر يقلل من إنشغال الإنسان بالجنس الآخر طالما فى حدود معقولة يعنى مثلا فى المدرسة أو الكنيسة، لكن الحرمان من الشئ بيخلى الإنسان هيموت علية و يطلق لأفكارة العنان إللى هو أول السلم.
تانى حاجة إن مفيش فرق بين الولد و البنت، نفسى أحط تحت دى مليون خط. ربنا هيحاسب الولد و البنت تمام زى بعض، غير كدة يبقى نخاف من الناس أكتر ما بنخاف ربنا.