[mena_hot]

مهازل إستفتاء وحريات مبارك المزعومة
الاستفتاء مش علشان يستفتونا لا علشان - يستفتأونا -
لم يسلم معارض اليوم من الضرب او الاعتقال او الاذي وصولا الى هتك عرض الاناث في الشارع
حتى المواطن العادي الغير مسيس لم تسلم ممتلكاته من سيارات ومحلات وحتى شخصه من الاذى
الاصابات من اول الخرابيش حتى كسر الارجل مرورا بالجروح القطعية والغرز وتقطيع ملابس الفتيات وهتك عرضهن
مؤيدوا مبارك يسرقون المصوغات الذهبية واجهزة المحمول والكاميرات
مصور هذه الصور تعرض للمطاردة والضرب و - العض - ومصادرة الكاميرا

اضغط هنا لتشاهد الفديو للمظاهرة عند ضريح سعد زغلول

للتنزيل على جهازك
right click
save target as

وصلت منزلي بعد هذا اليوم الشاق لاجد الدي اس ال مقطوعا فاتصلت بالشركة لاجد اغرب الحجج وهي ان بسلامتهم بيقفلوا السنة المالية ولازم ادفع اشتراك الشهر الجديد !!! طبعا حجة اونطة وراؤها امر اخر او بالاصح اوامر ... ولا يهمني دخلت من التليفون العادي الذي كثيرا ما يقطعونه ايضا بدون اسباب والحمد لله كان يعمل لكن كان البطء قاتلا في تحميل الصور على الانترنت الى جانب مشاكل تقنية اخرى متعلقة بكارت الفاكس والمالتيبول بوت وان السيستم اللي بيشغل الكارت مش عليه فرونت بيج فكان لازم انزله ... الخ الخ الخ ... وانا ها اعذبكم معايا ليه المهم اليكم الصور ...
http://img284.echo.cx/img284/1923/estefta200034hz.jpg
وصلت الى منطقة ضريح سعد زغلول وهناك علمت انه تم القاء القبض على ثلاثة
وان الاستاذ محمد عبد القدوس رئيس لجنة الحريات بنقابة الصحفيين والاستاذ عبد الحليم قنديل تلقوا علقة موت على يد الامن المركزي
لكن كان هناك تجمع صغير من كفاية يطوقه الامن المركزي
ثم انشقت الارض عما ترونه في الصور التالية
ميكروباصات وسيارات نقل واوتوبيسات هيئة نقل عام محملة بالبلطجية توقفت امام مظاهرت كفاية وبداوا بالقفز لا النزول كالادميين من تلك السيارات
واحاطوا بمظاهرة كفاية وانسحب الامن المركز بشكل مريب !!!
http://img284.echo.cx/img284/1720/estefta200041bw.jpg
http://img284.echo.cx/img284/3923/estefta200051mi.jpg
http://img284.echo.cx/img284/328/estefta200086os.jpg
انت بتشتمني ياد يابن طنط بصلة ؟؟؟
http://img284.echo.cx/img284/4809/estefta200096ni.jpg
مظاهرة كفاية وشباب من اجل التغيير
http://img284.echo.cx/img284/1059/estefta200109vl.jpg
http://img284.echo.cx/img284/6434/estefta200147an.jpg
مظاهرة مبارك المحمولة المدفوعة مقدما او مؤخرا
http://img284.echo.cx/img284/5527/estefta200175oi.jpg
http://img284.echo.cx/img284/8637/estefta200187po.jpg
http://img284.echo.cx/img284/3636/estefta200202us.jpg
http://img284.echo.cx/img284/4392/estefta200228xh.jpg
http://img284.echo.cx/img284/1449/estefta200230cw.jpg
http://img284.echo.cx/img284/399/estefta200251by.jpg
اكتشفت ان الامن المركزي يحيط بمجموعة اخرى من كفاية على مسافة امتار من المظاهرة الاولى
وسمعت اصوات صراخ حريمي من الداخل
http://img284.echo.cx/img284/6903/estefta200284hx.jpg
واكتشفت ان الامن المركزي عمال بيعزق فيهم مش مفرق بين ست وراجل

http://img284.echo.cx/img284/3980/estefta200297zi.jpg
http://img284.echo.cx/img284/127/estefta200338zm.jpg
بعض الصبية اختطفوا لافتات كفاية ومزقوها وداسوا عليها فوق سقف تلك السيارة الغلبانة ماركة لادا
وطبعا بفعل القفز انظروا ماذا حدث لسقفها
http://img284.echo.cx/img284/9496/estefta200367ce.jpg
انتزع بعض البلطجية احد متظاهري كفاية من وسط المظاهرة الى وسط الشارع ونزلوا فيه عزق مش ضرب
ولم تتدخل الشرطة الا بعد ما اخد الطريحة التمام
http://img284.echo.cx/img284/637/estefta200395fe.jpg
الاصابات على رقبة متظاهر كفاية
http://img284.echo.cx/img284/1199/estefta200408gk.jpg
ثم فوجئت ان الشرطة لم تات لتنقذه من براثن هؤلاء البلطجية ولكن لتعتقله !!!
http://img284.echo.cx/img284/8853/estefta200411cc.jpg
تتبعتهم بالكاميرا
http://img284.echo.cx/img284/5192/estefta200428tn.jpg
ثم جريت امامهم لاخذ صورة امامية فاخذ احدهم يصيح ... لو صورت ها اكسرهالك
نقح عليا عرق العناد ساعتها وقلت في نفسي وحياة مامتك الغالية لانا مصورك يابن طنط فكيهة وقد كان
كما ترون احدهم يشير الي والجندي متحفز للجري ورائي
ثم سمعت كلمة هاته ده هاته ... وعينك ما تشوف الا النور
وانطلقت اعدو واعدو واثنان من الجنود ورائي بس يا خسارة الواحد يظهر عجز وما بقاش يعرف يجري زي زمان فقفشوني
ثم دار صراع في الوادي ... قصدي صراع على الكاميرا ... وانا كنت ميت عليها
والعسكري عمال يحاول يفك صوابعي ويخلصها وانضم اليه عسكري اخر وبقى واحد عمال يغرز ضوافره في ايدي وكانه بيفتح علبة سلمون والتاني عمال يعض في ايدي زي ال*** المسعور - اي والله كان بيعض !!! - علشان اسيب الكاميرا وابتدت الكثرة تغلب الشجاعة وفلتت الكاميرا من يدي ولكني ظللت ممسكا بالحبل بتاعها الى ان افلت مني هو ايضا ...
http://img284.echo.cx/img284/5995/estefta200430gw.jpg
طبعا لست انا ملتقط هذه الصورة ولكنها صورة هامة التقطت اثناء دعبسة الظبوط بتاع نقطة شرطة المنيرة في الكاميرا لمحاولة محو ما بها من صور ويطهر لما غلب حماره بعت لي واحد امين شرطة بيستظرف ويضرب معايا صحوبية ... الا هو الكاميرا دي بتشتغل ازاي ؟؟؟ وفين الفيلم ؟؟؟ وفين كارت الذاكرة ؟؟؟ والصور بتنزل ازاي ؟؟؟ طبعا انا فهمت هو عاوز ايه بالضبط فشرحتله ورميتله الطعم الذي يليق بامثاله وقلتله باستعطاف مصطنع ... بس اوعوا والنبي تشيلوا البطاريات منها احسن الصور تتمسح ... طبعا الحليوة ما كدبش خبر وقام داخلهم ... وبعد شوية رجعلولي الكاميرا وبطافتي الشخصية اللي كانوا اخذوها مني بس لقيت الكاميرا وزنها خفيف قلت اشطه الزبون بلع الطعم واخذوا البطاريات ... اشطة جدا ... خللوها بقى ... احشوها ... البسوها ... المهم ان الكاميرا فيها فلاش ميموري ثابتة والصور ما اتمسحتش والحمد لله ... لكن في طريق عودتي لمكان المظاهرة وجدتهم يقتادون تامر وجيه الى النقطة ... وسمعت ان محمد الدرديري قد كسرت ساقه ... ولم اتاكد من صحة تلك المعلومة حتى الان

عدت لمكان المظاهرة لاجد ان متظاهري كفاية قد تحركوا ولحق بهم بلطجية الحزب الوطني وحاصروهم داخل صيدلية ومدخل عمارة بشارع نوبار
والامن المركزي واقف بره الموضوع محوط عليه بس مش بيعمل اي حاجة
ولقيت لك مجموعة بلطجية ماسكين واحدة ست كبيرة من حركة كفاية اعتقد انها دكتورة في الجامعة وواقعة على الارض وعمالين يدوسوا عليها ويضربوها ويشدوا في شعرها ويمسكون ايضا بشاب لم اعرف من هو ويزعمون بانه سرق الكاميرا منهم !!! ويحاولون انتزاع الكاميرا منه فحاولت اخلصه منهم بس دول تيران فقلت اطلعه اشاعة وعملت اني معاهم وقعدت ازعق واقول لهم الظابط بيقولك سيبه ... الظابط بيقولك سيبه فابتدت ايديهم ترخي عن الواد وعرف يفلفص منهم شوية لحد ما جه ظابط فعلا - كان فين من الصبح - وخلصه منهم ... وقعدت بفى اروش وادردش مع العيال اللي هناك وعامل فيها عبده العبيط ... هو اخد الكاميرا بتاعتكم ؟؟؟ ... اه كاميرتنا ... انتم صحفيين ... اه ... طبعا شكلهم لا صحفيين ولا نيلة بس انا كنت باروش يعني ... صحفيين فين ... يا عم مش صحفيين ولا حاجة ده احنا بس بنقول كده علشان ناخد الكاميرا من الواد !!! اه يا لؤما ...