إقتباس:
|
المشاركة الأصلية بواسطة غلاباوي
والامر ليس حكرا على افكار محددة او اساليب دينية او افكار عقائدية فحسب ... هناك الكثير من الامم التى اغترت بعظمتها ومجدها على مر التاريخ وسقطت ايضا ... وهناك امثلى عدة على هذا الامر ... فاسبرطة مثلا كانت دولة عظيمة وتمتلك اقوي جيش في العالم القديم ولكنها انهزمت في يوم من الايام وسقطت .. وروما ودولة الفرس وحتى بناة الاهرام من الفراعنة العظام .... فلماذا تستبعدون الوضع عن امريكا ...
|
غلباوى، إنت كلامك صح من حيث المبدأ لكن خد بالك إن المسألة مش بالسهولة دى فى عصرنا الحالى و إن حصلت فقد تستغرق قرون بل الفيات. زمان كانت القوة العسكرية هى اللى بتحمى القوة الإقتصادية و العلمية فكان من السهل إن حضارة تنهار و أخرى تقوم نتيجة لحرب بل معركة واحدة دا غير إن الأسلحة البدائية خلت العدد عامل مهم.
النهادة الوضع معكوس لأن إقتصاد الدول الكبرى و قدرتها العلمية هو اللى بيعطيها قوة عسكرية و لأن الإقتصاد الدولى أصبح متشابك و مقاطع لدرجة غير معقولة فإنهيار إقتصاد دولة زى أمربكا معناة بلا شك إنهيار إقتصادى عالمى و نكسة ينتج عنها مون عشرات الملايين من البشر فى كل بلاد العالم و طبعا الدول الغنية هتكون أقل من يعانى بينما دول زى مصر هتكون أول الضحايا.
نتخيل كدة مثلا إن حصل ضعف مفاجئ فى الإقتصاد الأمريكى لسبب ما، أول حاجة أمريكا هتعمها هى قطع المنح ـ خربت مصر- و إنخفاض الإنتاج هيؤدى لإنخفاض الإستيراد - خربت السعودية- و إنكماش التجارة العالمية هيؤدى لنفس الشئ فى أوروبا و اليابان و باقى الدول الصناعية و تتوقف دائرة الإنتاج عل الأرض كلها و تزيد البطالة ساعتها فقط تبتدى الدول الكبرى تتأثر و تكون مصر الناس فيها بتموت من الجوع.
الطريقة الوحيدة اللى ممكن تتزعزع بيها ريادة أمريكا بدون إنهيار عالمى هى إن دولة آخرى بشويش تاخد مكانها على مدى ما لا يقل عن عدة قرون! و القوة الوحيدة اللى فعلا ممكن تعمل كدة هى الصين لكن هل يا ترى هتتحنن الصين الشيوعية و تتعطف بالمنح على مصر زى ما أمريكا بتعمل و لا هتسيب المصريين يجوعوا؟
أنا مش محتاج أقول كمان إن ثروة امريكا الحقيقية هى عقول أبنائها فحتى لو دمرت كل جامعة و مصنع بل حتى كل منزل و سلبت منها كل ما لة قيمة مادية هتلاقيها عملاقة تانى خلال عشرين سنة بالكتير و عندك فى اليابان و المانيا خير مثال.
فيا عزيزى لا تتعجل نهاية أمريكا لأنها وريد الدم الأساسى لجسد مصر المريض.