[makakola]

الأخ الحبيب الغالى لورنس العرب
شكرا لمداخلتك الجميلة وتعال نناقشها بالتفصيل

المشاركة الأصلية بواسطة لورنس العرب

بالنسبه لإعفاء رسوم توثيق اشهار الاسلام
انت بس اللي محروق علشان الموضوع خاص بإشهار الاسلام
آل يعني لو كان فيه رسوم الناس مش هايسلموا

تقول محروق، أقول أيوة
تقول محروق علشان الموضوع يخص إشهار الإسلام، أقول لأ

القانون العادل - وخذ بالك من كلمة العادل دى أحسن العدل عندكم بيتفهم من ورا - يقول، إما أن كل الشهادات عليها رسوم، وده عدل
أو إن شهادات تغيير الدين من أى ديانة للأخرى معفى من الرسوم، وده برضه عدل
إما أن تستثنى دينا محددا، فهذا فى عرف حقوق الإنسان - طبعا الإسلام أول من أرساها - يعتبر إضطهاد، ويصنف القانون على أنه قانون عنصرى
وعلشان قانون بلدى الحبيبه قانون عنصرى، فأنا محروق
أما بالنسبة لقولك (آل يعني لو كان فيه رسوم الناس مش هايسلموا)، فده كلام صحيح
يبقى الكلام ده موجود فى القانون ليه؟؟
وأديك شفت بعينك، أعفيتوا شهادات إشهار الإسلام من الرسوم، وبرضه الأقباط المسيحيون ظلوا كما هم، وكأنك يا أبو زيد ما غزيت، وكل اللى عملته يا أبو زيد إنك كتبت بنفسك تعاليم تؤخذ على دينك وتبين عنصريته
ودى لوحدها تستاهل الف ، علشان الناس اللى بتفهم حتستنتج حاجات كتير من كده

المشاركة الأصلية بواسطة لورنس العرب

بالنسبه لقصة الطلاق:
انت و غيرك من الاقباط لا دخل لكم بأحكام الطلاق لأنها تصدر من داخل الكنيسة الخاصة بكم، فلا تتحدث عن احكام الطلاق لأنه حتى لو حصل المسيحي على حكم مدني بالطلاق لا يطبق الا بموافقة الكنيسه، اذهب و اسأل الغلابه من المسيحيين اللي مش عارفين يعيشوا مع بعض و حاصلين على الطلاق ولم يستطيعوا تنفيذه بسبب نص الكتاب المقدس الموجود في متى الذي لا يبيح الطلاق الا لعلة الزني فهذا الامر لا دخل لك به ولا يحق لك ان تتكلم عليه
روح اسأل الفنانه هاله صدقي وهي تفيدك في هذا الموضوع عندما ارادت الطلاق فغيرت ملتها من الارثوزوكس الى الكاثوليك فطلقتها الكنيسة
فالموضوع دا عامل مصايب عندكم ولا تستطيعون ايجاد حل له الى الآن
فأذهب و شوف مشاكلك قبل ان تتحدث عن الغير

أتحدث عن الغير؟؟
غير مين اللى إنت شايفنى بأتحدث عنهم؟؟
هو المصرى فى بلده أصبح غير؟؟
يا أستاذ لورنس العرب، حاول تنسى شوية إن مخك عربى، وحاول تفكر بمخ مصرى
القانون (قانون الدوله) يجب أن يكون عادل لحاملى جنسية هذه الدوله (يعنى للمصريين)
القانون المفروض ألا يفرق بين مسيحى ومسلم وبوذى طالما أن جنسيته مصرى
يعنى لما يقول القانون، أن تغيير الملة أثناء نظر الدعوى لا يؤثر، يبقى قانون محترم لأنه يسرى على الجميع
أما أن يستثنى من ذلك من يدخل فى الإسلام، يبقى قانون عنصرى، لا يستحق سوى السحق تحت أقدام كل شخص يشعر بأنه مصرى
وبعدين خلينا عمليين
فى القانون ده حل لكل المشاكل اللى إنت بتقول عليها عندنا
لكن (عمليا وواقعيا) الناس مفضله تدخل فى المشاكل دى، ولا إنها تروح لدينك
إيه رأيك بقى
يعنى مشاكل الطلاق اللى بتقول عليها فى الكنيسة، على قلب المسيحيين أحلى من إنهم يدخلوا فى دين الله أفواجا
ولو شغلت عقلك يبقى تستاهل

المشاركة الأصلية بواسطة لورنس العرب

بالنسبه للتجنيد:
لو الموضوع حارق قلبك اوي كده
خلاص، روح احفظ القرآن و انا اضمن لك انك تستفيد من هذا القانون
ولو انت معترض مثلا لن القانون لا يطبق في حالة من يحفظ الانجيل فليس من ذنبنا ان الانجيل عندك لا يحفظة احد و غير مقرر عليكم حفظة كمسيحيين ولا حتى البابا شنودة حافظة
على الرغم من انه يوجد داخله نصوص تحفه تستحق الحفظ بصراحة
احفظ القرآن وبعدها يتم انزال تجنيدك لسنه واحده، حتى لو معملتش بيه حاجه بتوع الجماعات التبشيرية سيأخذوك لكي تشتغل معاهم و تطلع بقرشين، يالا يا عم، هاتطلع لك بمصلحة

إرجع لكلامى فوق يا أستاذ لورنس العرب يا حته سكره
حتلاقينى قايل بالنص الواحد
(لمين؟
لأى شخص
يعنى لازم يكون مسلم؟
لأ مش شرط
يعنى أنا مسيحى ينفع؟
أيوة ... ينفع ... إحفظ يا مسيحى القرأن الكريم كله وتجنيدك ينزل من ثلاث سنوات لسنة واحدة)
يعنى أنا عارف إنه مش شرط يكون مسلم
وتعال نشوف عظمة مسيحيو مصر
عذاب 3 سنين فى الجيش ولا حفظ قرأنكم
لأ .... إستنى علشان أكون واقعى فى كلامى
عذاب 3 سنين فى الجيش ولا إنه يحصل على شهادة بأنه حافظ لقرأنك وإستفاد بذلك
لأنى وكل المسيحيون يعرفون ذلك، أن العديد من المسيحيون خاصة القدامى منهم يحفظون القرأن كاملا
لكن
وبالرغم من ذلك
طظ فى إعفائك، وطظ فى إعفاء الدولة وتخفيض عدد سنوات التجنيد
عرفت يا أستاذ لورنس العرب يا نبيه

وعلى العموم، فالحكومة تستاهل الف مليون على القوانين دى لأنها بتفهم الناس الإسلام أكثر وأكثر وأكثر حتى يصير أكثر بياضا
تقبل تحياتى وحبى وسلام المسيح معك