للاسف معاك الف حق واعتقد اننا فى مصر نتحرك من سيئ الى اسوأ
لازم نتوقع ان اى حركه او حزب علشان يقدر يلم اصوات لازم يلعب على الوتر الحساس فلسطين اللى حولوها من قضية سياسيه الى قضية دينيه بحته بفضل الزعيم المقبور عرفات و عصابته الرشيدة لسحب فلوس العرب وتحويلها لبنوك سويسرا باسم الزعيم وزوجته وباقى افراد العصابة تاركين الشعب الفليسطينى يعانى من الجوع والحرب اللى كانوا حريصين على استمرارها لانها سبب وجودهم وغناهم والدليل على كده هدم كل محاوله لتقرير السلام فى اخر لحظه .
اما بخصوص العراق برغم كل جرايمه فى حق شعبه اللى شفناها بعيوننا وسمعنا عنها فى العشرين سنه الاخيرة واللى تسبب فى تخلف العرب اكترواكتر ومش بس العرب لكن اقتصاد العالم كله لمواجهه مجنون بالسلطه وسبب قلق فى كل منطقه الشرق الاوسط والخليج لسه فيه ناس بتدافع عنه لانه الزعيم المسلم اللى بيواجه الكفار
المشكله الحقيقيه ان فى كل البلاد العربيه نسبة الجهل عاليه جدا والكدبه الوحيدة اللى ممكن توحدهم وتكسب تأييدهم وتخليهم يعاملوا حكامهم و زعماءهم على انهم ابطال مناضلين برغم انهم متأكدين تماما انهم لصوص منافقين هى كدبه الحرب المزعومه على الاسلام
وان الاسلام مستهدف من الكفار الحاقدين على الشباب العربى (على ايه مش عارف!)
فى البلاد المتحضره اللى عايز يرشح نفسه لازم يكون عنده برنامج انتخابى لتصحيح وحل المشاكل الموجوده وفى النهايه بيقدم كشف حساب عن انجازاته واخطاؤه اما فى بلادنا الورقه الكسبانه هى نصرة الاسلام على الكفرة الحاقدين على امه الاسلام قس على ذلك من ايام جمال عبد الناصر الى يومنا هذا.
ربنا يرحمنا
