ياسابل الستر ......أسترها ماتفضحهاش
دة حكومة نصابة......ورياسها ميلزمناش
من دم البلد بتسرق.....وضمير معندهاش
ياسابل الستر.......أسترها ماتفضحهاش
نشفتوا النيل ....وزرعتوا أرضيها صبار
وحمل على تقيل....تكسر جبال واسوار
وأيادى سودة.....وأفعال نصاب بكاش
ياسابل الستر....أسترها ماتفضحهاش
نايمين
صاحين
دايماً مساجين
فى بلادنا
فى أرضينا
دايماً محتارين
ولو جة يوم سعد.......عمرة مايزرناش
ياسابل الستر....أسترها ماتفضحهاش
أشوف فيكم يوم.....أو حتى ساعة
فية العدل يقوم....ويمحى كل مجاعة
وأمتى يجى اليوم؟؟؟؟؟ دة العمر مبيستناش
ياسابل الستر....أسترها ماتفضحهاش
أسترها متفضحهاش
الصياد