[مار مينا]

الحبيب اسير المسيح
سلام المسيح يحفظ عقلك ونفسك
ممكن تقدم شكوي فيه للبطريركيه وتقول انك لجات للاسقف بس معملش حاجه
ارجع واقولك ان الكهنه غير معصومين فيه كهنه اشرار واخريين ابرار
ايه رايك مثلا في المتنيح ابونا بيشوي كامل اهو ده كان كاهن لكن اللي يتعامل معاه يمدح كل الكهنه وابونا مكاري يونان وابونا ارميا بولس وغيرهم كتير جدا
الكهنه زيهم زي البشر العاديين لكنهم مؤتمنون علي سرائر الله والذي يخون تلك الامانه ويفسد هيكل الله فسيفسده الله
اقتراح ممكن تاخد خلوه في دير الانبا انطونيوس وتقعد هناك مع اي راهب يكون مختبر وتحكي له عثرتك من الكهنه وتعترف وتاخد منه الحل وصدقني هترجع متغير خالص
ومتخفش مكتوب (( 7- ويل للعالم من العثرات فلا بد ان تاتي العثرات و لكن ويل لذلك الانسان الذي به تاتي العثرة.))
((1- و قال لتلاميذه لا يمكن الا ان تاتي العثرات و لكن ويل للذي تاتي بواسطته.
2- خير له لو طوق عنقه بحجر رحى و طرح في البحر من ان يعثر احد هؤلاء الصغار.))

عارف لما رب المجد يسوع المسيح اوصانا ان نصلي من اجل من يسيئون الينا ونغفر من كل قلوبنا حتي يغفر لنا ابونا السماوي زلاتنا
(( صلوا لاجل اللذين يسيئون اليكم )) (( ان لم تغفروا للناس زلاتهم لا يغفر لكم ابوكم السماوي زلاتكم ))
كل ده علشان مصلحتنا وهلشان نفسيتنا تبقي صافيه ومفيهاش اضطرابات وقلق واضطراب ومراره
يعني قول كده وانت متامل في فداء رب المجد لينا انا بسامحك من اجل الرب يسوع المسيح القدوس اللي سامحني
صدقني انت محتاج فقط تغصب علي نفسك وتنفذ الوصيه وهتلاقي بركة الوصيه وهتلاقي شفاء لروحك ولنفسك ولجسدك لانه هو الطبيب الحقيقي الذي لانفسنا واجسادنا وارواحنا

ربنا معاك



انا هبعت لك رساله فيها انك ممكن تقعد مع مين هناك