إقتباس:

المشاركة الأصلية بواسطة fredy_kroger صدقوني لا اعرف ماذا اقول...... هقول اية ..هقول......سبحان مغير القلوب ......... شباب كنيستي الذي كان يصرخ بالامس في مظاهرات ديسمبر في الكاتدرائية ( يا مبارك يا طيار ...قلب القبطي مولع نار)......... اليوم شاهدتهم يعدون الاعلام و الشعارات مكتوب عليها (مبارك راعي االوحدة الوطنية) للاشترك في تأييد مبارك يوم الانتخابات و السوأل لماذا هذا التغيير ؟ ما الفرق بين اليوم و الامس ؟ الكل يعرف ما هو الفرق بين اليوم و الامس ...... بيان المجمع المقدس .......... الرب يبارككم

يا كروجر الحسبة سهلة اوي ..... احنا كدة بنحب الزفة وخلاص ونطبل مع الى بيطبلوا ..
وهحكيلك حكاية .. كنت معدي بالعربية من يومين كدة وكان في تشريفة معدية .. يعنى الريس معدي .. وطبعا الطريق مقفول والامن والقصص اياه .. المهم الناس واقفة في الحر والزحمة والخنقة .. وزعلانين طبعا من الوقوف في الحر في انتظار الموكب يمر .. وطبعا وانا راكب سامع كلام من امثال ... ( يادي التشريفات والزفت ) ( يعنى لازم هباب الطين يعدي دلوقت ,..) ( الله يخربيتة هو قارفنا في كل حتة كدة ) ( هو في كل مصيبة يطلع لنا )
................................... الخ ..

ويا سبحان الله بمجرد ما الموكب قرب .. مفيش دقايق الا كل الناس دي بدون استثناء واكرر بدون استثناء بتشاور للريس وسينفونية بالروح بالدم اشتغلت ...
وعجبي

واما موضوع الشباب دول فيكفي كل واحد منهم 20 جنية مع نص فرخة وازازة بيبسي ورحلة للاسكندرية انهم يهتفوا للاسكندر الاكبر ذاته ... ودة مش عدم وطنية او خيانة او عمالة ... بس المثل بيقول اطعم الفم تستحي العين