|
شكر و عتاب
أخى العزيز جدا غلاباوى
من كل قلبى اشكرك على كلماتك الرقيقه المهذبه , فأنا أن كنت اتحاور معك حوارا ناضجا راقيا فذلك مرجعه الى ان الطرف الاخر الذى احاوره هو انسان جدير بذلك و اكثر من ذلك , و كما اخترتنى انت صديق لك يسعدنى و يشرفنى ان اختارك ان ايضا صديقا لى .
و هنا لى ملاحظه صغيره , يبدو أن كلامى الكبير التخين المثقف شويتين ده مش جاى على هوا الناس فى المنتدى بدليل ان ما حدش اخر اختارنى كصديق له , رغم اننى - و يعلم الله - أحب الكل فى المنتدى كأخوة لى مسيحيين و مسلمين , حتى السيد شبيب رامه الذى مازلت لا افهم هو بيقول ايه , المهم انه واضح ان الكلام الكبير ده مش جايب همه و بالتالى فقد قررت ان اتوقف عن الكلام الناضج الكبير و اتفرغ للتهييس و المفاجأه انكم ها تشوفوا كلام فارغ من الاخر تستغربوا جدا ان اللى كاتب ده هو اللى كان بيكتب الاول , بس علشان تعرفوا اننا لما نحب نهرتل نعرف برضه و لا مؤاخذه .
و أخيرا انا ان كان على ان اختار اصدقاء فى المنتدى - بخلاف صديقى العزيز غلاباوى - فانا سأتحيز لأخوتى اصحاب الاصوات الهادئه المنخفضه قليلى المشاركه و الذين حتى حينما يشاركون تكون كلماتهم بسيطه هادئه , باختصار نقدر نسميهم المهمشين فى المنتدى , فأنا مهموم بقضايا و مشاكل المهمشين عموما .
بس زى ما قلت انا خلاص ها اقلبها تهييس و هرتله من دلوقتى .
المفدى
|