[yaweeka]

عدلي أبادير ، اسألي تروث في البالتوك عنه وهو يقول لك مين عدلي أبادير
وقالها بالحرف وسمعتها بودني
لو عدلي أبادير رشح نفسه تروث هينتخب مبارك

هم دول الأقباط ، يا اما تعمله رئيس القعدة يا يشتمك ويقول عليك انت ابن ....
عيب الأقباط ان كل قيادييهم بعد شهرتهم (على حساب القضية القبطية) بتلاقيهم ياخدوا مقلب فى نفسهم ويفتكروا انهم يا ما هنا يا ما هناك
بصراحة انا اثق فى المهندس عدلى ابادير اكثر من اى شخص آخر ، رغم انى لم اقابله شخصيا لكنى اثق تماما ان لا اطماع للرجل سوى عمل شئ للدفاع عن اخوته الأقباط فى مصر
فهو لا يسعى الى شهرة ولا الى مال (يكفى ان تعلموا انه اكبر متبرع للهيئات القبطية فى السابق) وأنه الممول الوحيد للمؤتمرات القبطية ويدفع آلاف الدولارات من جيبه الخاص من اجل القضية القبطية
هل هذا جزاء رجل مد يده للآخرين؟
ما كان ممكن يعمل زى بقية مليونيرات الأقباط (وما أكثرهم فى الخارج) ويكفى خيره شره ويضرب قضية اخوته بالمركوب ويقول وانا مالى طالما عايش فى قصور وعندى الملايين وكل طلباتى مجابة؟
ايه اللى خلاه يضع نفسه فى المواجهة ويتحدى مبارك ومخابراته بطريقة علنية وامام الكل؟

بالرغم من ان لى بعض التحفظات على خطابه وطريقة عرضه للقضية فى بعض الأحيان الا انى معجب كثيرا بجراءة وبشجاعة الرجل وبتخطيطه السليم للوصول بالقضية القبطية الى العالمية وهو ما فشلت فيه جميع المنظمات القبطية (الأحادية التفكير والشمولية القيادة).

اما تروث وغيره فينتقدونه لأن الرجل لم يدعهم الى المؤتمر الأول وتجاهل منظمتهم ، وان عرف السبب بطل العجب

لو انك تحدثت شخصيا مع عدلى ابادير ستشعر انك تتحدث مع مصرى أصيل من ابناء الفراعنة تتمثل فيه شخصية مصر بكل عراقتها وتاريخها وخفة دمها وصراحتها وقسوتها وحيدتها عن طريقها أحيانا (لما تسيبه يتكلم كتير هههههه) ، وهو صعيدى اصيل لا يخشى قول كلمة حق حتى لو اللى قدامه قفش