|
رجاء محبه ليكم اولا مين قال اننا مش بنصلى وان علاقتنا بربنا قايمه على اساس غلط؟؟؟ ومين اصلا حط اى واحد منا حكم على الاخر انه يقوله انت قديس ربنا يباركك او انت شيطان وعثرة وربنا يهديك؟؟
مظنش من حق يحكم على حد من مجرد نقاش دار بينهم مع الاخذ فى الاعتبار ان العلاقه بين الشخص وربنا علاقه خاصه جدا ولو اتحكم بالظاهر يبقى احنا عملنا زى المسلمين بالظبط
باختصار ان فيه وجهات نظر مختلفه راجعه لنشأه كل فرد وخلفياته وكمان طبعه وتفسيرنا الكتاب المقدس ممكن يرجع لكده كمان
بس المشكله ان الكلام المثالى اللى لازم نعمله علشان نوصل لمرحله القداسه شيئ والكلام العملى اللى بنواجهه فى حياتنا كل يوم شيئ تانى وبرده ردود افعالنا بتختلف وده طبيعى
ساويرس انا اتفقت معاك على ان الصلاه هى اقوى شيئ والدليل ان رب المجد قال اسالوا تعطوا واطلبوا يستجاب لكم (الايه مش بالحرف بس من الذاكرة سامحونى)
وكمان اتفقنا ان العمل بجانب الصلاه مهم والا بقينا متكلين وده غلط
بس الاختلاف فى كيفيه العمل وهنا يظهر الاختلاف بين كل شخص وشخص ناس شايفه ان عمل التبشير ياتى اولا وناس تانيه شايفه ( وانا منهم) ان اطلب حقى اولا خصوصا انه حق شرعى وغير منافى لمحبتى لربنا وطاعتى ليه (وجهه نظرى)
بس خلينى اسالك يا ساويرس وانا متاكده ان ردك حيكون صادق كام مرة بحياتك اتعصبت من مواقف التعصب الدينى بان فيها وكام مرة خدت حقك بالقوة وكام مرة لعدم استطاعتك انك ترد حقك اتملى قلبك حزن وغضب ولم تسامح ..... رغم انى متوقعه الرد بس مش حقدر اقوله احتراما ليك وحتركك انت ترد
شيئ تانى احب الفت النظر ليه ... اظن كتير منكم له اسرة واولاد يا ترى انه اسهل على الانسان انه يفرط بحقه هو ام بحق اولاده ومين سهل عليه يشوف اولاده بيتظلموا او ينهانوا ويقف ساكت
الاخ (اوريجانوس) رد رد رائع من امثله عمليه لقديس ومن ايات بس يا ترى الرد اللى هو بنفسه شخصيا حيعمله لو كان فى مكانى او مكان والد صفنات كان حيكون ايه ؟؟؟
انا ممكن افرط بحقى لكن مؤلم وصعب اشوف اهانه اولادى واقف ساكته واتفرج وكمان اطلب منهم مش يجولى يستغيثوا بيا .... الاول لازم اعلمهم ان السؤال يكون لربنا ونصلى ليه لقضاء طلبنا وتلبيه رجائنا ونطلب ارشاد ربنا لينا بس كمان حعلمهم ان لازم يكون لينا مواقف فى حياتنا وان كرامه الانسان شيئ غالى اللى يفرط فيه يفقد احترامه لنفسه وده اهم من انه يفقد احترام الناس ليه
ومن هنا يظهر اتفاق الاغلبيه مش العكس بس الاسلوب فى تطبيق الافكار مختلف مش اكتر
وربنا يبارك عمل الكل ويستجيب لسؤال الكل ..... حتى يوساب يا رب اسمع منه وخلى المنتدى يشيل ابو طرطور بئى
|