مش هيعجبك شرحي
وبعدين الآية معكوسة ، المسيح قدم قيصر على الله لأن السؤال كان على قيصر
القصة وبكل بساطة
ان الفريسيين كانوا عايزين يوقعوا المسيح في غلطة
فقعدوا يتشاوروا سوى عشان يدوروا على سؤال مخرجه الوحيد هو الوقوع في غلطة ، وما لقوش افضل من سؤال الجزية
والجزية زي ما كلنا عارفين هي اتاوة ، أو مبلغ من المال يدفعه الشعب المحتل كنوع من أنواع الذل والمهانة ، وكان اليهود يدفعون الجزية من قوتهم وقوت أولادهم ليتنعم بها قيصر وحاشيته الوثنين
المهم
قالوا للمسيح السؤال وبطريقة خبيثة جدا
يا معلم نعلم انك صادق و تعلم طريق الله بالحق و لا تبالي باحد لانك لا تنظر الى وجوه الناس.
يعني يا معلم ، عارفين انك حلو وكويس وتعرف طريق ربنا ، وما بيهمكش حد ، بتقول الحق ولو السيف على رقبتك ، وكان فيه رومان واقفين
المهم
المسيح عارف فكرهم وقصدهم طبعا
وقال ليهم ليه بتجربوني يا منافقين؟؟
ادوني دينار ، فادوله دينار ، قال لهم لمن الصورة والكتابة؟ قالوا له لقيصر
قال لهم
يعني انتم بتعترفوا بسلطان قيصر عليكم
اذا اعطوا لقيصر حقه ( الجزية ) وفي نفس الوقت اعطوا لله حقه ( كل ما طلبه في الشريعة )
يعني مش تقولوا قيصر وتسيبوا ربنا
ولا تقولوا ربنا وما تدوش قيصر حقه
طيب هنا سؤال
لماذا لم يصمت المسيح بدلا من تدخله في السياسة والسماح لليهود بدفع الجزية؟؟
ليه المسيح ما حررش الشعب اليهودي وقبل انه يكون ملك عليهم؟!!
ليه المسيح قال لبيلاطس البنطي ان سلطانه ( بيلاطس البنطي ) أُعطي له من فوق؟؟
الآية ليس معناها على الاطلاق فصل الدين عن السياسة
بل هي اتحاد الاتنين
السياسة من رؤية دينية