[2ana 7or]

المشاركة الأصلية بواسطة saweres

ثق ان ربنا بيدبر كل شيء بارادته
واحنا ولاده ، هو اللي بيأكلنا ويشربنا ويسترنا ويرعانا
ده حتى شعور رؤوسنا محصاة
وكل شيء في ايده هو
يعني لو طلبنا منه حاجة هيبخل علينا؟؟
هو يتمهل الى حين ، لما نيأس من كل شيء في العالم ويكون كل التجائنا اليه واتكالنا عليه
ساعتها يخلصنا
ذوقوا و انظروا ما اطيب الرب طوبى للرجل المتوكل عليه (مز 34 : 8)

طبعا لازم نصلى فى كل الأوقات مش بس فى وقت الشدائد ..
لكن يجى واحد تلميذ بليد و مش بيذاكر و تسئله عامل ايه فى المذاكرة و الأمتحانات .. يقولك أنا بصلى و بس و ده كافى علشان أنجح و أطلب من كل التلامذة يعملوا زى أنهم يصلوا و بس .. و أوعة حد يذاكر لأن الكتاب قال "أطلبوا تجدوا .. أقرعوا يفتح لكم".
المسيح له كل المجد فى موضع أخر قال ايمان بدون أعمال فهو ايمان باطل .. و عليه صلاة فقط بدون مطالبة بالحقوق منافى للمنطق! ..
اسعى يا عبد و أنا اسعى معاك..مش كده و لا ايه؟!..
الصلاة التى نحتاجها الأن هى صلاة طلب حلول الروح القدس على كنيستنا و على الشعبنا القبطى.. لكى تحل فينا روح الجراءة و نتعلم كيف نتكلم و نطالب بحقوقنا بكل مجاهرة .. المسيحية لم تنتشر عندما كان تلاميذ المسيح خائفين و مرتعدين.. لكنها أنتشرت عندما حل فيهم الروح القدس و بداؤ يتكلموا بكل جراءة و المجاهرة حتى الأستشهاد..