|
الثقافة
كنت أقرأ فى جريدة الشرق الأوسط وكان فيها خبر عن أحمد عبد المعطى حجازى إنه وصل سن السبعين وكلام عنه وعن الشعر
فإبتدأت أفكر فى موضوع الثقافة
يمكن معنى كلمة الثقافة هى مجموع المعارف والقيم والمبادىء التى يؤمن بها الإنسان
نتيجة إنتقال الناس من القرى للمدن إنقطعت عنا حياة وثقافة الآباء
كان فيه زمان ناس ( مسلمين طبعاً ) عندهم الثقافة العربية وهى عبارة عن اللغة والشعر وبعض الإسلاميات والملح والطرائف العربية
يمكن ثقافة أجدادنا كانت مختزنة فى الأمثال وبعض الأفكار الدينية الشفهية وطبعاً كانوا ناس عمليين ليسوا متفرغين للفكر لكن متفرغين للعمل والإنتاج
وبعدين نتيجة التداخل مع الغرب اللى حصل بعد الغزو الإنجليزى وسفر ناس لبره فإبتدأوا يتثقفوا بالثقافة الغربية وأكبر مثل هو طه حسين اللى بيتكلم فرنساوى ودرس لاتينى ويونانى ، وتوفيق الحكيم سافر بره ، والعقاد كان بيقرأ اللغات ، ولويس عوض وغيرهم من الناس اللى اخذوا قسط من الثقافة الغربية
|