|
كان فى موضوع قديم يجى من سنتين ونص تلات سنين عن الموضوع دا فى منتدى الحوار الكنسى قبل مايتقفل كان واحد كتب يطلب الحل فردينا علية
على العموم هذكر شوية حاجات من اللى اتكتب هناك
أول حاجة يا أخى ، أريد أن أشكرك جداً لأن أول الطريق للخروج من الشئ الإعتراف به . . ويمكن أنت واحد من القليلين اللى صرخوا بأستغاثة لشئ حقيقى جواهم .
ثانى حاجة ، أوعى تقول على نفسك خاطى لأننا كلنا خطاة فيبقى المنتدى كله أسماء بالشكل ده : خاطى نمره واحد ، خاطى نمرة اتنين ، خاطى نمره تلاتة وهلم جر .
كلنا خطاة لكن الكتاب بيقول : فكم بالحرى يكون دم المسيح الذى بروح أزلى قدم نفسه بلا عيب يطهر ضمائركم من أعمال ميتة لتخدموا الله الحى (عبرانيين 9:14) يعنى أحنا خطاة لكن المسيح يسوع قادر أن يطهر كل جسد ونفس من أعمال الظلمة .
كمان خلينى أقولك وبصوت عالى :ودم يسوع المسيح ابنه يطهرنا من كل خطية
(1 يو 1:7)
الحل :
1. تعترف أمام الرب أنك فعلاً أخطأت وتريد قوة من الروح القدس تساعدك على القضاء على هذه العادة (ربما تساعدك رسالة يهوذا فى هذه النقطة . . أنصحك بقرأتها)
2. بعد التوبة ، لابد أن تعترف بها أمام أب اعترافك مع مشاركة الكاهن بدوافع الخطية ، فهو يستطيع مساعدك فى التغلب على مصادر معينة تشعل الشهوة فى قلبك.
3. وهى الأهم على الإطلاق ، إن المشكلة مش فى العادة السرية بس لكن فى أسلوب ونمط حياة . . حاول أن يكون لك علاقة حية بالرب يسوع وعشرة حقيقية فتأخذ منه كلمات تعزيك وترفعك ، وأيضاً تأخذ منه هدف ورسالة تشغلك.
4. أقتل وقت فراغك ، فالفراغ قاتل . . بالقراءة فى الكتاب المقدس أو الكتب الروحية أو لو كنت من مفضلين القصص العالمية فهذا رائع ، بالرياضة فهذا شئ مهم ، بالنشاطات الكنسية من مهرجانات ودراسات وحفلات.
5. أمنع أى مناقشات مع أصدقائك تشعل فيك الشهوة فلا تنسى أن المعاشرات الرديئة تفسد الأخلاق الجيدة ، (أشجعك أن تقرأ فى هذه النقطة المزمور الأول وأن تصلى بأن يجعلك الرب مثل شجرة مغروسة عند مجارى المياه)
أخيراً ، عايز أقول لك أن الخطية ليست النهاية لكنها بداية لحياة حقيقية من التوبة والعشرة مع الرب يسوع فكلما تتخلص من خطية تشعر بنور متزايد فى القلب وظلمة تنقشع وأبواب تتفتح . .
ربنا معاك ويساعدك لأنه لا بالقوة ولا بالقدرة بل بروحى قال رب الجنود
الخاطى نمرة اتنين
|