[elmafdy]

المشاركة الأصلية بواسطة sad_candel

والنبى يا جماعه كلنا نقف انتباه
اخونا المفدى عقبال املتكم
موضوعه دخل فيه 900 عضو
ودى امله عمره ما حلم بيها ولا انه يطولها
ادعيلى يا باش مهندس
اصل الهندسه لها ناسها
مش اى اى يتقالها زى !!!!!!!!!!!!!

عمنا الكبير قوى قوى ساد كاندل
رد سريع على الماشى و ها ابعت لك بعد كده الرد المفصل

1- أنا فى منتهى الاسف يا سيدى , انا فعلا ما كنتش عارف ان انا تاعبك قوى كده , عمال تتلطش من كل المنتدى و مع أنى انا ما رديتش و لا اتكلمت و لا اتدخلت فى الحوارات لقيتك مقهور منى قوى و نازل تريقه و هجوم عليا , و باعت المداخله دى مخصوص , كمان مره انا اسف يا عم , هو فى الحقيقه انا قابلت اكتر من مره ناس كانوا بيكرهونى من قلبهم كده و تعبانين منى جدا , رغم انى كنت لا أكن لهم أى عداوه و احيانا كنت بأبقى ما أعرفهمش من الاساس و مش واخد بالى منهم من اصله , لكن بأكتشف بعد كده انهم مولعين منى و مش بيناموا الليل , عموما فرصه هامه أنى أرد عليهم دلوقتى هنا على المنتدى ربما يكون فيه حد منهم موجود هنا , مع ملاحظه مهمه جدا , ان الرد التالى ده ليهم هما مش ليك , أوعى تاخد الكلام عليك

" يا أعزائى الذين يقتلكم الغيظ و الغيره منى و الحقد و الكره جهتى , ليس ذنبى انى ولدت فى منطقة أرقى منكم , ليس ذنبى أننى تعلمت و تفوقت فى تعليمى اكثر منكم , ليس ذنبى انى كنت من الاوائل فى كليتى , ليس ذنبى اننى مثقف و ناضج , ليست جريمه اننى محبوب و ناجح فى كل مناحى حياتى , ليس عيبا أن اكون افضل منكم , من فضلكم ما تتقهروش قوى منى كده لأنى و انا احقق تلك النجاحات فى حياتى لم اكن اقصد اغاظتكم او كيدكم , فأنا لا اكن لكم اى كراهيه او عداوه من اى نوع , بل اننى لا الاحظ وجودكم من اساسه , و نصيحتى لكم ان توفروا طاقتكم التى تهدروها فى الحقد و الكراهيه لربما استفدتم بها فى حياتكم و تقدمتم خطوه للامام , مع كل تمنياتى و دعائى بالتوفيق و النجاح "

2- أكرر يا ساد باشا ان الرساله السابقه غير موجهه لك و لا تنطبق عليك اطلاقا , فأنت انسان عظيم لا نصل انا ولا اختى ناسا دارسة علوم الفضاء و لا عمنا K K و لا أى شخص فى المنتدى الى شرف مجاراتك , أنت المهندس الاعظم بعد امنحتب على طول , ولا بعده ليه , امنحتب هو الذى يشرف انه يليك فى الترتيب فى قائمة المهندسين العظماء , أنت علامتنا و حجتنا فى التاريخ , و سنشرف كلنا بأن نتعلم التاريخ الحقيقى على يديك , أنت احكم انسان يمكن ان تقابله على الارض , مهما حاولنا و امضينا السنين لن نستطيع ان نجاريك فى الحكمه و فى بلاغة الحوار و جزالة العباره و سلاسة الاسلوب , أنت نبراس لنا فى الردود المحكمه التى تعطى لكل ذى حق حقه , فتشفى تساؤلات السائل و تقنع الرافض و تؤدب المتطاول , أنت الذى يرسل لك بيل جيتس مهندسيه و مبرمجيه ليتعلموا منك خبايا و دقايق علوم الكمبيوتر و النت و, أنت صاحب المدرسه الجديده فى تغيير الاى بى ادريس كل مره علشان يمشى مع الطقم اللى انت لابسه , أنت الذى حلت على يديك مشاكل الاسكان فى مصرنا المحروسه , و ستحل قريبا باقى المشكلات , أنت الابتسامه المشرقة فى منتدانا الذى يشرف بمشاركاتك بما تملك من خفة ظل هائله و تعليقات لطيفه و سخريه تقول لأحمد رجب قوم و انا اقعد مطرحك , بينما نحن المرضى النفسيين الذين وصلنا لحاله متطوره من البارانويا و لم يعد يجدى معنا علاج و نحتاج لعزلنا من المجمتع و اعادة تأهيلنا نفسيا , صلى و أدعى لنا بالشفاء يا شيخ وحياة والدك , ما اهو اكيد واحد زيك ليه كلمه مسموعه فى السما كمان و ربنا ما يقدرش يرد لك كلمه .

و الرب هو الشافى

المفدى