العزيز الغالى المفدى
اولا ليس لى عندك حق النقض او الابرام فى مداخلتك الاولى والتى تذكرنى بايام الثمانينات الجميلة
حيث كانوا يتحدثون الينا عن هؤلاء العظماء الذين هاجروا ونجحوا فى معاهدهم العلميه وصاروا جهابذة فقلدناهم لعل وعسى
ومع الزمن اكتشفت خطئا فادحا فى معنى النجاح فى الحياة
ارتضيت بمعنى اكبر وهو ان قمة النجاح = الرضا
ولكنى امام كلماتك التى ابدعتها عن تفوقك فى الدراسة وانك ابن ناس واحنا بيئة
مع ان الواحد كل ما ينزل مصر يحس ان البلد كلها درجه تالته
فوقها وتحتها درجة تالته
والتعالى صفه مصريه خالصه
فيفى عبده رزعت ظابط البوليس قلم لانه شال نمر العربيه صارخه فى وجهه (انت عارف يا حيوان دى عربيه مين ؟)
اكيد راقصه والراقصه من مصاف الرسل والانبياء لانها تدعى ان الفن رسالة وطالما الفن رساله ففيفى عبده نبية

بواب العمارة بتاعتنا
يمسك ودان اهلى انه امبارح كان هيحصل غزو على العمارة ولولا يقظته وفدائيته لاحتل اللصوص العمارة واكيد كنا هنحضر روح صلاح الدين الايوبى عشان يطرد اللصوص

عاوز نماذج تانيه
مش لوحدك والله
مصر كلها زيك
من غيرك يمكن الارض تبطل بكره تلف


امتى يا خلق هوووه نفهم ان لكل واحد دور فى الدنيا وان شكه الدبوس تخلى اجعص شنب يرقد فى السرير زى الفرخه الى البيضه بتاعتها مش عايزة تنزل

وياعم على عينى الناسا والداتا كلها
وانت كل البشر
بس بطلوا حكايه انا احسن منك دى بتحسسنى ان المتحدث عنده نقص ما بيعوضه بالكلام
بالكلام وبس


اما ردك الخرافى على اجابتى فى مداخلتك الثانيه ففيه دعابه ظريفه
وطبعا لان ضميرك وحش سقطتنى
وعشان كده معاهم حق ان المسيحيين ما يمسكوش مناصب عليا فى البلد
ده انتم هتخربوها لو مسكتم مناصب والله
مثلا كليه الهندسه جامعه القاهرة عدد المتقدمين 4الاف طالب منهم 40 طالب مسيحى
هتكون نسبه النجاح واحد فى الميه
وطبعا كل المسلمين هيعيدوا السنة


بالنسبه لبعض الردود الاخرى من هنا ومن هناك
فلا تستحق الرد او لا تستحق القرءاة او لا تستحق .......
ربنا يعفيكم قادر يارب بحق الشهر الكريم