إقتباس:
المشاركة الأصلية بواسطة yaweeka
وياريت فعلا يا أخ سيجنال حد يصور العلامة دى ويبعتهاممكن تتصور من تليفون محمول وتبعتها على الايميل التالى
|
علامات محرم بك تمت ازالتها على باشراف المحافظ دا اللى سمعته ولكن انا بجد شفت علامات
خطوط حمراء كبيرة على المحلات X
العلامة اللى على بيتنا معمولة بفليت بوية رش برونزى حاولت اصورها بجميع الطرق الممكنة بكاميرا موبيل او بكاميرا ديجتال الاضاءة مش جاية والاخوة الجيران المسلمين تبرعوا بازالتها
( العلامة دى معمولة بس على 5 بيوت فى شارع فية 62 بيت ) هم البيوت اللى فيها مسيحيون فقط
اخر خبر سمعتة من ربع ساعة ان هناك تهديدات بالتليفون جاءت للمشاركين فى المسرحية الادوار الثانوية ...
عن الاسكندرية نفسها البلد شبة ميتة يمكن من السقعة مش عارف .. وانا جاى من محافظة تانية كنت بسافر شغل هناك النهاردة قابلت بعد كارفور ب2 كيلو لجنة طلب البطاقة وشهادةالتجنيد بعديها قالى معاك شهادة الميلاد او بطاقة انتخابية هم يبكى وهم يضحك
الهم اللى يضحك اكتر دخلوا يوم الاحد او الاثنين على محمصة لب صاحبها مسيحى فى منطقة ميدان الساعة او السيوف كسروا المحل بالكملة وسرقوا الجوز واللوز وعين الجمل بس بجد سمعت الحكاية دى رغم حزنى وقلقى قعدت اضحك ضحك
بعد ان يئست من انى اشوف المسرحية واحد صاحبى مسلم عطاهانى سبحان الله انا عايز اطلع فى البيت بيتك ادلل بالحكاية دى على الوحدة الوطنية
على العموم ربنا يستر وصلوا لاهل الاسكندرية