كان فيه حكاية عن أحد الآباء قريتها زمان بس مش فاكر المرجع
المهم
الآباء كانوا بيشتغلوا بالخوص وبيبيعوا شغلهم وبيوزعوا على الفقراء واللي بيتبقى بياكلوا بيه
فأحد الآباء القديسين كان بيشتغل بالخوص مع الرهبان ، وواحد من الرهبان قرف من الشغل ودخل الكنيسة وقعد يصلي لما قالوا له تعالى اشتغل ، قال لا أنا راهب شغلتي هي الصلاة فقط ، ولما جه وقت الأكل ما عملوش حسابه ولما سألهم ليه؟ رد عليه الراهب القديس ، قال له : انت بقيت واحد من الملائكة كل عملك هو الصلاة فقط ، فانت مش محتاج للأكل ، انما احنا بشر خطاة محتاجين نشتغل عشان ناكل
الخلاصة بدون عمل لا أجر
اللي عايز حريته لازم يعمل وهو حاطط ربنا في قلبه عشان ربنا يساعده
ربنا ما بيساعدش حد هو أصلا مش مستعد يساعد نفسه