إقتباس:
|
المشاركة الأصلية بواسطة Zagal
ياجماعه
" كل بيت ينقسم على ذاته يخرب "
بلاش شك وريبه وكله هايبان فى الوقت المناسب
|
بلاش إستخدام آيات الإنجيل فى غير محلها و الأفضل بلاش إستخدامها خالص فى السياسة...ما أنا ممكن أرد عليك و أقولك إعزلوا اللئيم من بينكم!
شك و ريبة إية؟ ما البيان موجود أهة! هو إحنا بنقرأ البخت أو نتنبأ بالغيب؟ ماهو واقع أهة؟
طبعا ممكن يكون إتكتب بدون علم مايكل منير لكن دى غلطة ممكن تتصلح...إذا كانت غلطة، إية الغريب فى الكلام دة؟
الأقباط محتاجين قيادة لكن مش محتاجين دكتاتور، إذا كانت منظمة أقباط الولايات المتحدة -برئاسة مايكل منير أو غيرة- عايزة تملأ هذا الفراغ فأهلا وسهلا و ربنا يبارك مجهودهم، أما الأشخاص فهم أعضاء مهما كانوا أو كانت مكانتهم و مش هنبنى عرش لحد.
هو إنتوا عايزين دولة مؤسسات و لا عايزين بس تغيروا طعم الدكتاتور اللى حاكمكم؟
عصر الإستشهاد جاى، شمروا دراعاتكم يا أقباط. برضة ماتعلمناش الدرس بس المهم تبقى أخر مرة. الحل هو دولة مستقلة ديمقراطية علمانية مؤسساتية تحتضن المصريين اللى ولائهم الأول و الأخير لوطنهم و مصلحة وطنهم، سواء مسيحيين أو مسلمين إنشالله يعبدوا البطيخ بس يسيبوا الدين لصاحب الدين و مايحشروهوش فيما لا يليق بية.