تحية من اعماق القلب لاخي وعزيز المفدي وصدقنى يا عزيزي انا اتشرف انى اخد معاك فنجان شاي ونتكلم مع بعض في اي شيء وكل شيء حتى لو هنتكلم عن بريتنى سبيرز ...

انسان محترم زيك هو اللى بيصبرنى على اي اسلوب بغيض اواجهه .. وعموما ان ربنا احيانى ان شاء الله هأجبرك ودة بالاكراه انى اتغدي عندك .
اما الاخ العزيز برضة مارمينا احب اقولك حاجة بسيطة اوي ...
انا ممكن احتمل اي شيء في الوجود الا شيء واحد ............... اتهامي بالتهديد او الوعيد .. لاني قولت قبل كدة مليون مرة اللى بيهدد دة بيكون شخص ذو منصب او قوة او سلطة تخولة امكانية التهديد ...... لكن انا لا وبقولها الف مرة لأ لأ لأ ,,,
وحتى لو عايز اهددك مش هعملها عشان موقفي ميتفهمش غلط ......... واللى بيحب يلأذي حد بيأذية على طول من غير ما يديلة انذار ........ دة في حالة ايذاء ...

لكن يا عزيزي مهما اختلفنا في الاول والاخر انا بعتبرك انت اوي اي حد هنا زي اخواتى كبار او صغيرين هما اخواتي ... وعمري ما شوفت اخوات بيهددوا بعض او يأذوا بعض ...
يمكن مختلفين في الاراء والديانة والتفكير ونمط الحياة والاسلوب ... لكن دة مش مبرر يخلينى اخوفك او ارهبك او اهددك .............

لكن المشكلة انت بتحاول تهاجمنى وتقول انى امن دولة وترجع تناقض نفسك وتوقل انى مش امن دولة بس اعرف واحد قريبي امن دولة ..................... وابسط تصرف تلقائي ضد هجومك دة انى اقولك خلينا يا سيدي نتقابل سوا ... على الاقل تتاكد من شكوكك او تنفيها ...
يبقي انا كدة بهددك ؟؟!!

وبعدين اللى اعرفة كويس اوي انى اللى ماشي صح وفي حالة محدش يقدر يكلمة ولا يقولة تلت التلاتة كام .. اللهم الا اذا انطبق علية قانون الطواريء :)

عموما يا اخي انا مش بهددك ولا انا زعلان منك .. بس اسلوبك مكنش لطيف ابدا ومع ذلك انا بأكد لك انى بحترمك انت والباقيين كلهم زي اخواتى بالظبط ..
ومارمينا يا سيدي اسم غالي واكراما لصاحب الاسم انا بحترمك اكتر ... ...
بالمناسبة سؤال ولو انه مش في الموضوع خالص ...

هي كلمة ( مار ) يعنى قديس ؟؟؟
اصلي بسمع مارمرقس ,,, مارجرجس ,,, مارمينا ..........
بس اللى اعرفة ان قديس يعنى san >>>
افيدونا يا اهل العلم