[sammy]

أخى الحبيب فانوس وكل الأعضاء
معلهش إنتم عارفين إنى محامى وشغلتى أدافع عن المتهمين, مش لازم يعنى أقول أنه ماعملش حين يكون عمل, لكن نظرتى للأمور مختلفة شوية.
أولا أرجو إن أى واحد فيكم يحط نفسه مكان غلباوى يعنى هو نفسه يتخيل إنه غلباوى (عارف إنكم فهمتم لكن عاوزكم تتخيلوا هذا فعلا).
من هو غلباوى أولا؟ إما مشارك له وجهة نظر مختلفة, أو مشارك وله علاقة بأحدى جهات الأمن وهذه ليست ضد قوانين المنتدى.
وجد غلباوى فرصة للتلصص على أراء الأعضاء والدخول للبرايفت. أو بمعنى أصح أنا أو أنت ياقارىء والذى وضعت نفسك مكان غلباوى وجدت تلك الفرصة هل تفعلها أم لا؟
أنا أفعلها بدون تفكير أما بدافع الفضول (أشوف الناس دى بتتكلم فى إيه) وإما بدافع الواجب (لو أنا من جهة أمنية).
ثانيا: البرايفت والمتدى كله ليست فيه يعنى حماية أمنية للخصوصيات مطلقة لكن الى حد ما فقط. يعنى مش زى مايكون سايت من اللى بنستعمل فيه الكريدت كارد مثلا. وبناء عليه أى واحد وبخاصة إن كان له سلطات أمنية ممكن يعرف كل واحد هنا ساكن فين وبيشتغل إيه واسمه الحقيقى إيه. وزمان علمونا إن لو قلت لاتخاف ولو خفت لاتقول.
طبعا اللى عايشين بره زيى مش مهتمين قوى بحكاية الأمن الشخصى دى لأن عندنا حكومة بتحمينا, لكن اللى عايشين فى "جوه" لازم يخلوا بالهم على سريتهم وإن كنت أظن إن الحال الآن ليس كالماضى فلا يستطيع اليوم الأمن المصرى أن يقبض اعتباطا على الألاف ويعذبهم ويسجنهم مثلا لمجرد انهم بيشتموا فى الإسلام او فى الحكومة. لكن طبعا إن زادت قوى من شخص معين ممكن الأمن يضرهم وهدد سلامتهم.
لذلك أرجو من اللى عايشين جوة إنهم يهتموا بأمنهم الشخصى وسرية معلوماتهم قدر الإمكان, وكمان يخلوا كلامهم بحساب شوية. خوف أيوة الخوف هو مكون أنسانى لا نستطيع أن نتجاهله أو ندعى عدم وجوده.
الخطأ الذى أرى ان غلباوى ارتكبه أنه إستعرض دخوله على الباريفت بدون أى لازمة إلا العنطزة. يعنى كان ممكن إنه يدخل ويحتفظ بمعملوماته لنفسه لكن الغرور الزائد أدى به للإعتراف بإطلاعه على البرايفت... ويعلم الله إن كان فعلا استغل ثغرة السيستم ولا هو ممكن يدخل عادى وفى أى وقت...
وبناء عليه أرى أن توقيع أى "جزاء" على غلباوى هو إجراء ليس له أى مردود.
ورأيى أن نطنش.