|
يامحترم انت غلطان فى العنوان.
ممكن مقالاتك النارية دى كانت تجيب نتيجة لو فى موقع آخر غير هنا..
لاأن احنا مش مشكلتنا لا مع مبارك ولا مع جمال ولا يهمنا التوريث ولا الطوارىء ولا الحرية ولا حتى أكل العيش.
ثم ان مصر طول عمرها بتتسرق هو يعنى السرقة حرام على مبارك وحلال على مديرى البنوك واساتذة الجامعات واعضاء مجالس الشعب والشورى والوزراء والكتاب والإعلاميين والشيوخ وبتوع بنوك التقوى وتوظيف الأموال.
ثم قل لنا ايه البديل, هل هم حضرات الإخوان أصحاب الأيدى المتوضاة الذين بلغ مصروفهم على الإنتخابات ما يفوق مصروف الحزب الوطنى؟
ياحضرة مصر من يوم ما عرفت حكم الأعراب من الف وربعمائة سنة وهى بتنزف ودى آخر قطرات دماء هاتتمص منها هاتتمص, على ايدين مبارك او على ايدين الإخوان أو على ايدين العسكر, وبعد كده هاتموت وتخرب.
ويمكن بعد الوفاة الرسمية والصوملة واللبننة والسودنة والأفغنة, يمكن بعد كده تصحى زى طائر الفينيق وتقوم تانى من بعد أن تتعلم الدرس الذى لا بد من دفع مصاريفه كاملة... أى بعد الوفاة ولا عزاء للقتلة.
__________________
إعط ما لله لله وما لقيصر لقيصر
|