أهلا عبد المسيح
شكرا على ردك المفصل
ماينفعش تأكد حاجة فيها احتمالات
يعنى ماينفعش تقرر من نفسك كده انهم اكيد اكيد تم اجبارهم
انت لا تعرفهم ولا شوفتهم ولا حتى سمعت قصتهم من طرف محايد
هاتقولى يعنى انت يامراقب اللى تعرفهم او شفتهم
اتفقنا يبقى هناك احتمال انهم عايزين يدخلوا بارادتهم صح؟
انا لا افهم ازاى يجبروا على دخول الاسلام
يعنى تحت تهديد السلاح؟ ولا تحت تهديد ايه؟
بتقول أنا في رأيي حد غير مسلم اتولد كده يتحول يبقى مسلم
طبعا صعب انما مش مستحيل
طيب انا باتشكك انكم اجبرتوهم على العودة معاكم
واجبرتوهم على دخلو الدير
وحبستوهم فيه
ممكن بقى تأكدلي بطريقة عملية ان كلامي غلط
أمن الدولة زى ما بتشتكوا منه احنا بنشتكي أكتر وبيحاربوا الاسلام
مش كل واحد مسلم بيعمل مخلصا لدينه وده طبيعي فى اى دين وفي اى مجتمع
فيه الكويس وفيه الوحش
فيه الصالح وفيه الطالح
انت جبت شوية تقارير لمنظمات حقوق الانسان بتنتقد اوضاع فى مصر
طيب هل هو ده موضوعنا
أنا أرد عليك واقولك طيب فين حقوق الانسان بتاع تريزا وماريان
هل هما دلوقتى مش مجبرين؟
في ظروف معيشية كويسة؟
انت بتقول هل فهمت وجة نظركم
وأنا عايز افهم انتممخبينهم ليه
ما ده هايجيب عليكم شبهة اكراه
فيبقى ازاى تنتقدوا الاكراه وتمارسوه فى ذات الوقت
أخيرا ملاحظة من حيث مخططات نشر الاسلام
هو أى واحد مسموح يدعي لدينه
انتم عندكم تبشير بيتم فى كل انحاء العالم يعنى الموضوع شغال على ودنه
وخاصة فى مناطق الفقر
انا المهم عندي الاجبار والاكراه
واعتقد ده مهم عندك برضه
فلذلك اسئلتى مطروحة ولم احصل منكم على اجابة
تحياتي
|