|
أنا نفسى حد يفهمنى حاجة واحدة.
إحنا من حقنا نناقش و ننتقد السياسة و الشخصيات السياسية.
ليس من حقنا نناقش و ننتقد العقيدة و الشخصيات الدينية.
ده كان يبقى كلام جميل و سهل التطبيق لو إحنا عملنا بكلام المسيح و أعطينا ما لقيصر لقيصر و ما لله لله ، هل تقدر تنكر إن قداسة البابا أعطى آراء سياسية؟ هل يتجرأ واحد و يقوللى إن سيدنا كل كلمة لفظ بها هى كلمة روحية لغرض روحى؟ لا أظن.
أنا بقى شايف إن ده يعطينى الحق فى مناقشة و إنتقاد هذا الجانب من قيادة الكنيسة لأن فى الواقع قيادة الكنيسة هى إللى تخطت خصوصيتها و تدخلت فى خصوصياتى أنا! هل بعد كدة بتطلب منى أتنازل عن حقى؟
أرجوا يكون الكلام واضح، إحنا مش بنهاجم شخصية قداسة البابا إللى ربنا إختارة قائد روحى لينا، أنا عن نفسى أحب وعظاتة و أسمع لها كل ما تجينى الفرصة و أشكر ربنا على عمق روحانيتة. لكن لو سمعت لنصايحة و أراءة فى السياسة بكدة أخالف تعاليم المسيح اللى قال ما لقيصر لقيصر و ما لله لله. عايزينى أطيع مين؟
|