[zzaghlul]

وادي نبوءة اخري كاذبة لنهاية العالم ...واضح ان احنا لسة في الجحيم اللي اسمه الارض وما زال مسلسل اضطهاد اولاد الرب مستمر وزي ما كتير منكم فاهمين وقالوا ان نهاية العالم لكل واحد علي حدة هي عند انتهاء عمرنا علي الارض وبعدها ما فيش فرصة تانية....علي فكرة انا كنت قلت ان اخينا بتاع نهاية العالم المفروضة امبارح كان رجع في كلامه ...في الواقع مش هو اللي قال كدة ولا رجع في كلامه ولا حاجة لكن انا سمعت واحد تاني كان بيقول ان الكلام ده مش حايحصل وبالغلط انا افتكرته الراجل المجنون اللي رجع في كلامه ....عموما هو امام معضلة ومشكلة كبيرة وانا سمعت ان الناس اللي صدقته وباعت اللي وراهم وقدامهم عايزين يرفعوا عليه قضية بسبب الخسائر اللي اتسببها ليهم ولو اني اعتقد انهم مش حاياخدوا لا ابيض ولا اسود لان القوانين لا تحمي المغفلين ...والي العام القادم ونبوءة اخري بنهاية العالم والمرة دي من الحضارة المكسيكية القديمة (المايا) وسوف نري الكثيرين اللي حا يصدقوا ده اكتر من تصديقهم لكلام الاله القدوس في كتابه المقدس ....كل سنة وانتم بخير وقيامة مبروكة......