|
المفدى، أنا واحد من المهتمين بالناحية السياسية للأقباط لكن لحد النهاردة فشلت أن أقنع إلا القليل من الإخوة المسلمين بأن الأقباط من حقهم المساواة التامة فى وطنهم. الواحد يفتكر إن حاجة زى دى بديهية و سهل إقناع الآخر بيها لكن الواقع عكس ذلك، الحقيقة ده وصلنى لإستنتاج بسيط هو: إذا كان المسلمين يعتقدون إن غيرهم من بنى الإنسان هم على مرتبة أقل منهم فمن الطبيعى إنهم كلامنا ما يوصلش لودانهم أساسا! فى رأئيى لازم المسلمين يعترفوا أولا إن الأقباط هم مواطنين كاملين لهم كيان متكامل و قدرة مساوية للمسلمين، عندها فقط يبقى للكلام فايدة أكبر بالذات فى الدين.
السيناريو الأكثر تكرارا فى المناقشة مع المسلمين هو إن الطرف المسلم يتجاهل مشاركات الطرف المسيحى و يستمر كأنما يلقى خطبة، أنا ماعرفش هل بياخدونا على قد عقلنا ولا لا يقرأوا مشاركتنا أصلا. الشئ الواجب ذكرة إن فية عدد لا بأس بية من المسيحيين أصبح يتبع أسلوب الشتيمة و التريقة الساذجة اللى بتفسد الحديث الجاد مع الإخوة المسلمين.
|