|
Mrs 2ana 7or حضرتك بتتكلمي وكأن مفيش اي حاجة حصلت ولا بتحصل وبكل هدوء بتقولي مش فاهمة مالي مستنكر اوي لية كدة متهيأل يعنى قبل ما تتكلمي وتقول خطف واغتصاب وسرقة والكلام اللى بتقولية دة تشوفي انتى او غيرك بتقولوا اية على الاسلام ونبي الاسلام صلي الله علية وسلم ومتهيألي اوي عيب لما تكوني مصرية دة لو انتى مصرية من الاساس ويصدر منك كلام زي دة وترجعي تقولي بكل بساطة ناقل الكفر ليس بكافر
طول عمر المسلمين عايشين مع المسيحين في مصر زي السمنة على العسل وانا بنفسي بقولك ادينى مواطن مصري عادي جدا وبروح لصدقائي المسيحين وبنعيد على بعض في الاعياد وبنتفسح سوا ومنساش ابدا جيرانى المسيحين لما عزوني في والدتى الله يرحمها ومشوا معايا في الجنازة يواسونى ووقفوا برة قدام الجامع لحد صلاة الجنازة وجم معايا المقابر كمان ولما بيكون عندهم مناسبة سعيدة بروح معاهم الكنيسة واشاركهم الحلو والوحش ولا حد يوم قال انت مسلم ولا انت مسيحي ولا عمري سمعت كلمة قذرة عن الاسلام منهم ولا هما سمعوا كلمة وسخة منى عن المسيح ومش هتكلم كتير وهسالك سؤال وقبل ما اسالهولك احلفك بالله او بأقدس شيء عندك هل لديك صديقات مسلمات ؟
ولو كان ليكي صديقات مسلمات عمرك قلتى الكلام اللى بيتقال هنا دة عينى عينك لوحدة منهم ؟
عمرك سمعتى منهم كلمة واحدة مش محترمة عن العذراء او المسيح ؟
وبخصوص تعليقك على كلام صديقي المسيحي
=========
قصه حلوة تنفع قبل النوم بس غلطتك ان كلمه اخلاق العبيد دى مش غريبه على ودانى وعلى وداتن ناس كتير هنا !!!!
=========
مش فاهم اي موضوع اخلاق العبيد ولو تفضلتى مشكورة ووضحتيها يكون افضل
CrocodileTearz انت بتقول اللى يدخل حوار الاديان يكون مستعد لأي شيء يقراة وانت بنفسك بتقول حوار الاديان اسمة حــــــــــــوار وليس سب الاديان او شتم الاديان
انا ممكن اجيبلك دلائل ان كتابك المقدس محرف لكنى عمري ما اشتمك ولا اشتمك المسيح علية السلام ولا عمري اتكلم في حق رموز دينك ومع هذا لا اقبل بالمقابل انك تغلط في رموز دينى
الحوار يا اخ CrocodileTearz معناة انك تستمع للرأي المخالف كما تسمع للرأي المتفق معك بأسلوب محترم واسلوب ناس متحضرة وكبيرة مش اجري واشتم واقل ادبي واتكلم بالفاظ قذرة ونرجع نقول مظلومين ومضطهدين ومتبهدلين تأكد ان لو كل يوم واحد مسلم دخل وقرأ الكلام اللى هنا دة اضطهادكم هيزيد زيادة واللى هيدور بعد كدة على المحبة والسلام يبقي بيحلم لان النفخ في النار عمرة ما بيطفيها بالعكس بيولعها اكتر ومن ناحية تانية اعطينى سبب واحد او فايدة واحدة لما تخلي المسلم يدخل وبدل ما يفهم ويعرف منك ابعاد مشاكلك وهمومك يمكن يحاول يساعدك لو في ايدة بدل كدة بتخلية ينفر منك ويقرف حتى يتعامل معاك ولو كان لة صديق مسيحي هتبدأ علاقتة معاة تتغير لانة حس اد اية انتوا بتكرهوا الاسلام وبتحقدوا علية
اما موضوع سورة مريم فلا تنسي يا عزيزي الفرق بين اسم سورة على شكل تكريم او على شكل عقاب فهناك سورة يوسف وهناك سورة محمد وسورة يونس وهناك سور تسمي بأسم حوادث معينة كسورة النمل او الفيل اما تلميحك بوجود سورة تسمي الكافرون فلو قرأت سورة مريم على سبيل المثال ستجد ان الله سبحانة وتعالي ذكرها بالخير ووصفها بالطهر وانها من خير نساء العالمين ولو كان الاسلام كما تقولون لسب ولعن المسيح او العذراء او على اقل تقدير تجاهلهم تماما ولم يتحدث عنهم لا بخير ولا بشر لكنه ذكرهم وكرمهم في القران الكريم
NEW_MAN تحدثي بالعاطفة او بالشخصية او حتى بأي شكل كان يجعلنى اكاد اجن مما قرأت ورأيت بعينى من اساءات متعمدة للاسلام والمسلمين وضع نفسك يا عزيزي مكاني ولو للحظات وقل لي بربك ماذا ستقول او ستفعل ؟ الكلام لم يصلي حتى لمستوي الكلام الادمي المحترم ولن اقول اسلام ومسيحية بل على الاقل كوني احترمك كشخص وانت كما تقول تحترمنى وتقول اخي في الانسانية فلك ان تقول لي انك على خطأ او ان دينك مخطئ وما الي ذلك ولكن لا تتعدي الخطوط الحمراء سابا وشاتما وقاذفا كل القازورات في حقي وحق معتقداتي وديانتى لان الرد الوحيد على ذلك هو مبادلتك نفس الاسلوب ولكننا كمسلمين لا نستطيع مجارتكم نفس الاسلوب لاانى قلت من قبل لو قمت بالفعل لأصبحت على الفور خارج عن دينى باهانتى للسيدة مريم او المسيح
ارجو مستقبلا ان استمر الحديث بيننا لا اري اي من تلك الكلمات القذرة والعبارات المسيئة ان كنتم تودون ان يكون بيننا حوار فانا ويعلم الله اريد ان اعرف عن المشاكل الحقيقية للمسيحين في مصر وخصوصا تبعيات ما يحدث لموضوع كنيسة اسكندرية وما قبلة وما بعدة لان التصريحات الحكومية لا تسمن ولا تغنى من جوع اضافة على اننى لم اعد اثق بالحكومة اطلاقا اما ان كان هناك اصرار منكم على اتباع نفس الاسلوب معي من سب واهانة وتشوية لصورة معتقداتي فاعتقد اننى اخطأت المكان وأخطات في بحثي عن هذة الامور
|