[لؤلؤه كثيره الثمن]

المشاركة الأصلية بواسطة soka

مش نهاية العالم يا ايزاك ان تحصل حاجة زي كدة عادي
زي ما فيه بنات مش كويسين فيه بنات كويسين و زي ما فيه شباب غدارين فيه شباب محترمين
المهم انك تكون حذر بعد كدة و ما تديش قلبك لحد بالساهل و الا هاتوصل لمرحلة انك بتتصرف اكنك من غير مشاعر ... ما تستغربش لأني تقريبا و صلت للمرحلة دي
بس أنا بقى بنت و ما ادراك ما معنى كلمة بنت في مجتمعنا الشرقي
1- ممنوع تحب ، و البنت اللي تحب تبقى عملت في نفسهاعمل شنيع لأنها مش ها تقدر تتقدم للي حبته
2-لازم حد يتقدملها و تقعد قعدات عرض و لو ما قعدتش القعدات دي يبقى فيه حد تاني
3-ممكن يجيلها عريس و يقعدوا مع بعض و بعدين ما يردش لمجرد ان تسريحة شعرها ما عجبتهوش ، تخيل كم الاهانة في الموضوع ده ، من كام يوم كنت قاعدة مع زمايل لي و بنتكلم على يوسف الصديق و بنتخيل اللي حصل لما جم التجار يشتروه و ازاي كانوا بيقلبوا فيه ، و حد من زمايلنا رمى تعليق على اللي بيحصل للبنات في الجلسات دي ، حاجة كدة شبه اللي التجار كانوا بيعملوه في يوسف
4-لو حبت تشتغل وسط مجموعة من الرجالة لازم تقول السمع و الطاعة لأن وجهة نظر الراجل الشرقي ان البنت بدون عقل و الكلام ده ينطبق على الخدمة
5-ما ينفعش تكون رئيسة على مجموعة فيها رجالة ، ازاي ست تتمريس على رجالة و ازاي راجل ياخد أوامر من ست
6-علشان أخلي زميلي ياخد برأيي لازم ادخله بالحيلة ما ينفعش اني اقوله أحنا ها نعمل كذا ، لأ لازم تقول كلامك كويس قوي بس ايه رأيك في كذا و لما يقول لأ ما ينفعش أعترض و الا أكون بتاعة مشاكل
بس يا سيدي ده قليل من كثير ، فاأشكر ربنا انك طلعت راجل
و ماعلش تعيش و ما تخدش غيرها

عبرتي عن كل اللي ممكن يتقال ..بس احب اضيف بقي ..ان البنت اللي بتعمل لنفسها جدار يبان انه صلب وغليظ في التعامل وده علشان تحافظ علي نفسها من الجرح والتعدي علي حقها كانسانه ..محدش بيقدر ولا يفهم ان جواها ارق بنوته في الدنيا .. وانا فخوره وسعيده ان الناس بتقول البنت دي راجل .. مش لاي سبب الا ان الناس لازم تفهم حدودها فين وتعرف ازاي تتعامل وتفكر 100 مره قبل ما تتعدي علي حقي كانسانه ليا عقل ومنطق وتفكير ..للاسف الثقافه الاسلاميه غلبت علي عقولنا ..ثقافه التحقير والاذلال والاستصغار لجنس حواء ..لكن المسيح قال ليس ذكر ولا انثي في المسيح ..يعني انا مفديه بدم الهي زي كل الناس ..حقيقي باحس بالاهانه قوي لما باشوف معامله اقل لحواء .ربنا يتمجد ..وترجع تاني مصر للمسيح ونرجع لفكرنا النقي الطاهر وتغلب ثقافه مسيحنا وفكر المحبه والمساواه.
لؤلؤه كثيره الثمن