|
متابعة أبونا زكريا صعبة بسبب كثافة الإنتاج ، بالإضافة البالتوك عندى فيه مشكلة فى الصوت ، لكن عملوا طريقة كويسة فى موقع أبونا زكريا وهو تقسيم اللقاءات لأجزاء وبالتالى كل واحد يقدر يسمع الجزء اللى عاوزه ، وبقالى مدة كل يوم أسمع شوية ، فيه قصص تنصير هائلة :
واحدة غير مصرية كانت مسلمة وتعتبر الإسلام زى المسيحية وكان عندها القرآن والإنجيل وتقرأ فيهم ، وفى يوم مرضت وقعدت تقرأ وبعدين زهقت ورمت الكتابين ونامت فشافت فى الحلم إنها قاعدة بين الكتابين وشافت نور بيطلع من الإنجيل وأصبح فى شكل صليب وبعدين ظهر المسيح وكان لابس جلابية بيضاء وشال بلون أغمق وكان شايل الصليب وكانت تتعجب من ضخامة الصليب وصحيت وتنصرت بعد كده
وواحد مغربى ماشافش مسيحيين فى حياته لأن المغرب مافهاش إلا مسلمين ويهود لأنه بعد سقوط الأندلس قتل المسلمين كل المسيحيين فى المغرب ، فهاجر لكندا وقابل واحد مسيحى هناك وناقشه فى الدين وبعدين دعاه للبالتوك وسمع النقد الموجه للإسلام وكتب نقط وراح يسأل الشيخ فيهم وكان من ضمنهم موضوع رضاعة الكبير فالشيخ قاله فعلاً موضوع رضاعة الكبير موجود عندنا فقاله يبقى الإسلام دين خاطىء وساب الإسلام وتنصر
|