|
الحقيقة كنت عاوز أتناول الموضوع العراقى لكن العملية حرجة لأن الموقع هنا تبع الأقباط الأمريكان ولازم ينحازوا لبلدهم ، وانا شايف إن أمريكا لخبطت جامد فى العراق وإذا كان الألم إمبارح والنهارده فى العراق فللأسف هيبقى بكره من نصيب أمريكا لما تحصد ما زرعته من دمار فى العراق
لكن الملاحظ إن كل شىء مقدر والخيرة فى الواقع
مش عارف هل هيستمر الحال فى العراق فى التدهور وألا هيتحسن ؟ لكن الواضح إن فيه حالة من الإرتباك
كنت بأتصور إن التغيير فى العراق هيبقى عن طريق تغيير صدام حسين ونظامه ، ويمسك واحد تانى يحكم العراق على نفس الطريقة الإسلامية العربية لكن هيكون مسالم للغرب ويبدأ فى عمل تغييرات تدريجية فى المجتمع العراقى ( على أساس هتبقى دولة زى بقية الدول العربية الإسلامية ) وده هيأخد مجهود ووقت .. لتدهور الأحوال فى العراق نتيجة الحصار
لكن اللى حصل إن أمريكا عاوزة تكرر ما عملته فى ألمانبا واليابان بعد الحرب العالمية ، ومش وآخدين بالهم إختلاف الظروف الجذرى بين ألمانيا والعراق
|