[menaa2005]

يا خبر ابيض اغيب يومين ارجع الاقيكى يا أخت كيرياليصون كفرتينى وطلعتينى من المسيحية .. ربنا يسامحك ويفتح عقلك وقلبك .
كلامك بصراحة جميل جدا ولكن للأسف كله كلام فى كلام وخلط للمواضيع والأيات لتخدمى افكارك اللى بأطلب من ربنا انه يخلصك منها .
نبدأ من اخر المداخلة بتاعتك لأنى معجب بالجزء التكفيرى جدا :

البابا نفسه لايؤمن بوجود انسان بلا خطيه ولو حياته يوم واحد ولا يوجد عصمه إلا لرب المجد يسوع وإذا كان البابا او من هاجم تأليه الإنسان واعلنها فى كتبه فكيف تقول ان شعبه يؤمن بعصمه البابا لا يا عزيزى شعبه لا يؤمن بعصمه البابا ولكن
يؤمن بقدره الله على ارشاد البابا بالروح القدس ومن هنا نحن نثق بقراراته المصحوبه بإرشاد الروح القدس
وانت يا عزيزى اذا لم تؤمن بذلك فلم اقول انك لا تصبح ارثوذكسى بل سأقول انك لست بمسيحى

اولا كده دعينا نضع نقطة نظام علشان فيه ناس بتأخدها الجلالة شوية وهى بتكتب
1- لا حضرتك ولا غيرك لكم الحق انه يقولى انك مش ارثوذكسى او مش مسيحى ، ليه ؟
لإنى حتى ولو كنت ضد البابا ( وده مش حقيقى ) فالبابا مش هو الأرثوذكسية ولا هو المسيحية .
2- الفرق بينى وبين حضرتك انك تحصرين المسيحية والأرثوذكسية فى شخص البابا اما انا فمسيحيتى وارثوذكسيتى تنحصر فى شخص الرب يسوع وما استلمناه من الكتاب المقدس وتعاليم الأباء .
3- سيادتك فى مواضيع تأليه الإنسان كنتى بتدافعى عن فكر البابا وبعض قيادات الكنيسة وبترفضى كلام البابا اثناسيوس وكل اباء الكنيسة فواضح جدا انك ارثوذكسية صميمة . ده لو فيه حد بقى عارف يعنى ايه ارثوذكسية .
4- بتقولى ان البابا مش معصوم ولكنك ترين انه مسكن غنى بالروح القدس ويجب علينا ان نثق انه بينفذ إرادة الله وكأنك انتى الوحيدة اللى عارفة إرادة الله وشايفة البابا بينفذها ولازم كلنا نؤمن بكده ، وبتقولى ان كل قرار للبابا هو قرار من ربنا ، ليه ؟ وايه دليلك ؟ لإنك طبعا شايفة كده وبتؤمنى بكده فأنا لو مأخدتش بكلام حضرتك اللى مايدخلش دماغ خادم مبتدئ فى اعداد الخدام اكون مش ارثوذكسى ومش مسيحى .
5- بتقولى فيما معناه ان هناك نقطة هى اللى بتتحدد لنا ان كان البابا ده او غيره متبع للمسيح وقراراته علوية مهلبية سماوية ولا لأ !! الشرط هو ان البابا لا ينكر اللاهوت ويعترف بالأقانيم ... افتينا يا اختاه بالمزيد
6- الأيات مش عارف بتفسريها ازاى ومنين ؟
شوفى الأيات الجميلة ديه وشوفى حضرتك فسرتيها ازاى :

وراجع الأيه دى

فمتى ساقوكم ليسلموكم فلا تعتنوا من قبل بما تتكلمون ولا تهتموا.بل مهما أعطيتم في تلك الساعة فبذلك تكلموا.لان لستم انتم المتكلمين بل الروح القدس(مر 13-11.)
اليس هذا ايمانك يا ارثوذكسى الذى لا تهتم لكرسى مارى مرقس ولا الأيه دى مش تبع الإنجيل
26 واما المعزي الروح القدس الذي سيرسله الآب باسمي فهو يعلّمكم كل شيء ويذكركم بكل ما قلته لكم(يو 14-26)

جميل قوى بتطلبى منى اراجع الأية !!
الأيات ديه على البابا ولا علينا كلنا ككنيسة المسيح ؟
هو البابا بس اللى بيتكلم بالروح القدس ؟ هل الروح القدس اللى فينا صامت والروح القدس اللى فى البابا متكلم ؟
ياريت تفهمينى !!
شوفى كده برضه مثل الوكيل الأمين بتقولى حضرتك :

41 فقال له بطرس يا رب ألنا تقول هذا المثل ام للجميع ايضا. 42 فقال الرب فمن هو الوكيل الامين الحكيم الذي يقيمه سيده على خدمه ليعطيهم العلوفة في حينها. 43 طوبى لذلك العبد الذي اذا جاء سيده يجده يفعل هكذا. 44 بالحق اقول لكم انه يقيمه على جميع امواله.45 ولكن ان قال ذلك العبد في قلبه سيدي يبطئ قدومه.فيبتدئ يضرب ال***** والجواري ويأكل ويشرب ويسكر. 46 يأتي سيد ذلك العبد في يوم لا ينتظره وفي ساعة لا يعرفها فيقطعه ويجعل نصيبه مع الخائنين. 47 واما ذلك العبد الذي يعلم ارادة سيده ولا يستعد ولا يفعل بحسب ارادته فيضرب كثيرا. 48 ولكن الذي لا يعلم ويفعل ما يستحق ضربات يضرب قليلا.فكل من أعطي كثيرا يطلب منه كثير ومن يودعونه كثيرا يطالبونه باكثر

هنا نتناقش عن الأيات السابقه
إذا يوجد عبيد ويوجد وكيل امين مسئول عن عبيد السيد إذا جماعه الكنيسه هى العبيد والبابا هو العبدالوكيل الأمين الذى يجب ان يفعل اراده الله

وهنا تعالى نرى هل الوكيل الأمين ينفذ ارادته ام اراده سيده الوكيل ينفذ اراده السيد وليست ارادته اليس كذلك

وتعالى نطبقها على هذا الموقف انت تقول ان قرار البابا خاطئ اذا ما ارسل جواب للكونجرس بعدم التدخل فى اى شئ اغضب الله هذا الجواب يا عزيزى هل انكر لاهوت المسيح ام بيعمل حقن للدماء حتى يرحم ابناءه قليلا من الإنجراف للصراع الطائفى لأنه يعلم ان شعبه ليس بدرجه ايمان جدودهم اللذين كانوا يعطوا السيوف للجنود ليقتلوهم ليهنأوا بالملكوت مع المسيح ذلك افضل جدا
فهل حقن الدماء ياعزيزى يغضب الله اليس هو من امرنا ان نحب العدو ونسامحه فكيف يكون هذا القراريغضب الله ؟؟؟؟؟

الظاهر حضرتك بتكتبى الأيات ومش بتأخدى بالك منها كويس .
فالوكيل ممكن يخطأ زى ما حضرتك قرأتى فى الأيات وممكن يعمل ضد مصلحة العبيد .
وهنا السؤال : هل كل قرار بيأخده الوكيل بيكون قرار من سيده ؟ ولا الوكيل معاه حق الإشراف من سيده وها يتحاسب عن كل ماصنعه ؟
تعرفى معنى ان كل قرار بيأخده االبابا هو قرار سماوى يعنى البابا مش ها يتحاسب لإن البابا مش بيتصرف من نفسه ولكنه بينفذ اوامر !!

وبعدين نفسى افهم ايه اللى دخل البابا فى موضوع الكونجرس والسياسة مش الأولى يشوف بناته واولاده اللى بيضيعوا كل يوم . ولا ديه مش شغلته .
البابا وللمرة المليون وانا متأكد انه مؤمن بما اقول إن قيادته روحية وليست دنيوية
الف باء علم الرعاية بيقول ان مهمة الراعى ان يرعى شعبه حتى يصل لله ( رعاية روحية )
لو انا دكتور هل البابا شغلته انه يقوللى اعمل عملية لمريض او لأ ، هل يقوللى تنتخب فلان وماتنتخبش علان وتتظاهر ولا ما تتظاهرش فالرد الطبيعى لأى إنسان عاقل ان ده مش شغلك يا قداسة البابا .
انا لابد ان انفذ اوامر رئيسى فى العمل مادامت لا تعترض مع ايمانى حتى ولو قداسة البابا شايف غير كده لإن البابا يوجهنى روحيا مش عمليا واجتماعيا وسياسيا وبدنجانيا .
وبعدين حضرتك بتدخلى الإيمان بقداسة البابا وقراراته اللى حضرتك شايفاها سماوية فى الإيمان الأرثوذكسى وطبعا لو سألتك جايبة الكلام ده منين كالعادة ها الاقيكى كاتبة مشاركة طويلة تشرحى فيها وجهة نظرك وتدافعى عنها كأنها هى الأرثوذكسية دون دليل او حتى مرجع واحد .. يا اختى العزيزة ما اسهل ان اكتب لكى اكتب دون ان ابحث او اتعلم فالمنتدى ملئ بالمسلمين الببغاوات التى تردد ما لا تفهم فأتمنى ألا تتبعى نفس المنوال .
فالحق الأرثوذكسى ليس هو الإيمان بالبابا انه سماوى ولا قراراته بيأخد تأشيرة عليها من السماء ولكن الحق الأرثوذكسى هو المسيح له المجد .
اختى العزيزة لم اكن اريد ان ادخل لأكتب مشاركة طويلة عريضة مليانة كلام فى كلام دون ان تكون هناك إفادة لى او لغيرى ولكن ما باليد حيلة فالدليل بالدليل والكلام بالكلام .
فرجاء محبة اقرأى وتعالى لنتحاور ونتناقش بالدليل والبرهان وبلاش موضوع انى لو لم اؤمن بأفكارك لن اكون مسيحى فما اسهل الكلام ولكن زى ما قلت لحضرتك لا انتى ولا غيرك تقدرى تقولى عليّ مسيحى ولا ارثوذكسى ولا مش الإثنين لإن المسيحية والأرثوذكسية مش شهادة بأخدها فى المعمودية ولكنها إيمان بيجرى فى عروقى .
سلام المسيح وما تتنرفزيش