إقتباس:
المشاركة الأصلية بواسطة aphex
دكتور يوسف/
اسمح لي ان اختلف معك في جزء من مداخلتك. بالرغم من اني لا اؤيد التعذيب و الاستجواب القاسي العشوائي للمشتبه بهم، الا اني لا مانع لدي من استخدامه في حالات معينة و ضرورية للامن القومي الامريكي. عندما نكون علي علم ان هؤلاء ليس فقط مشتبها بهم و انما هم قادة بارزين في القاعدة مثلا، و نعلم يقينا ان هؤلاء الارهابيين لديهم معلومات لا تقدر بثمن عن عمليات ارهابية يتم التحضير لها، و نعلم ان الحصول علي هذه المعلومات باي وسيلة يعني انقاذ حياة مئات و ربما الاف من المواطنين الابرياء، فان عدم استخدام وسائل قاسية للاستجواب يعتبر جريمة و خيانة لهذا البلد و مواطنيه.
قرأت الاسبوع الماضي تحقيقا صحفيا في الواشنطن بوست عن هذا الموضوع. و كان الكاتب يتعجب من معارضي استخدام وسائل الاستجواب القاسية علي اعضاء القاعدة البارزين و يصفهم بالسذج. و مضي متسائلا "ماذا ستفعل امريكا بزعيم تنظيم القاعدة، اسامة بن لادن، اذا القت القبض عليه حيا؟" هل سيعذبوه لكي يحصلون منه علي معلومات استخباراتية تساوي حياة الاف او ملايين المواطنين الامريكيين ام سيتركوه يصمت اذا شاء؟
ماذا لو لم يتكلم ابن لادن؟
تحياتي |
انا فاهمك ومتفق معاك لحد كبير ان عدم استخدام القسوة مع سفاحين القاعدة يعتبر اشتراك معاهم في جرايمهم لانك لم تفعل المطلوب منك لحماية مواطنين ابرياء
اي انك لم تبذل ما يكفي من مجهود لحماية الناس
بس للاسف الدنيا مش بالبساطة دي
لو انهار مبدأ فقد انهار الى الأبد
انهارده هنبرر ده عشان الأمن وعشان ارهاب القاعدة وامبارح هنقول عشان السوفييت والخطر الشيوعي
والأخطار مش بتخلص
والأمر هينتهي ان امريكا هتلاقي دايما حجة انها تستخدم التعذيب الجسدي ضد مواطنيها
الأمر لن يتوقف
والله زي ما بقولك كده التعذيب اذا بدأ وكان هناك تسامح من قبل الناس تجاهه فهو لن يتوقف وسوف تكون أمريكا بلدا بوليسيا الى حد ما
لا يوجد حدود فاصلة واضحة عن من يمكنك ان تعذبه ومن لا يمكنك تعذيبه
انت عارف انه دايما في ناس معندهمش انتماء للوطن وخصوصا عندكم جماعات اللاتينو وغيرهم مع كامل احترامي ليهم وانهم ناس رائعين وليهم فنون ومزيكا حلوة بس ده واقع وانت عارف
لو مواطن امريكي بسبب المال قدم معلومات او دعم بشكل ما لارهابيين هل سيتم تعذيبه ام لا؟
التعذيب مصيبة سنسمح بها اليوم ضد الاخرين وسنجد انفسنا غدا لسبب او لاخر متهمين ولا تعرف ما يخبئ المستقبل وستجد ان ما سمحت به ضد الاخر أمس سيطبق ضد ابنك غدا
إقتباس:
المشاركة الأصلية بواسطة aphex
ماذا لو لم يتكلم ابن لادن؟
تحياتي
|
المحققين عندهم اساليب شيطانية للتأثر على المعتقلين نفسيا
بيكونوا دارسين سيكولوجي وفاهمين شغلهم
اي معتقل مقاومته بتنهار في وقت معين مستحيل يقدر يسكت علطول
صدقني الشرطة بيعرفوا ياخدوا اللي هما عاوزينه بطرق نفسية بارعة يعني بيلخبط مخك ويفاجئك و البادي لنجوتش والتأثير النفسي للمحقق ونظراته
المهم انهم قادرين يطلعوا قرار اي مجرم او ارهابي
لكن تعذيب لأ حتى لو العطا اللي ضرب الطيارة في 9-11 رجع منالموت تاني مش لازم يتعذب
صدقني المبدأ ده لو انتهى مش هيرجع تاني
ايام الاحتلال الانجليزي في مصر عذبوا اللي طالب بالاستقلال
و بعد الثورة عبدالناصر بدأ التعذيب ضد الاخوان المسلمين عشان كانوا هيغتالوه وبعدين التعذيب بقى ضد الشيوعين والماركسيين
وفي التسعينات ضد الرهابيين اللي ضربوا السياحة
ودلوقت ضد الليبراليين والاخوان والناصريين وكل اللي يقول لأ في مصر بياخد على راسه
طبعا مفيش مقارنة بين النظام الهمجي في مصر وبره مصر بس لا للتعذيب أيا كان
هناك تحقيق ومحاكمة وعقوبة غير كده لأ .