عرض مشاركة مفردة
  #23  
قديم 25-03-2010
لؤلؤه كثيره الثمن لؤلؤه كثيره الثمن غير متصل
Silver User
 
تاريخ التّسجيل: May 2009
الإقامة: jesus`s heart
المشاركات: 314
لؤلؤه كثيره الثمن is on a distinguished road
مشاركة: هل تبحث عن متبرع كبد او كلى ؟؟

تعرف يا اخ liverdonor
اللي هاقولهولك ده عن تجربه شخصيه ..
مش كلام انشاء...مش مجرد كلام ..دي حقيقه ..
مريت بتجربه صعبه جدااااااااااااااا جداااااااااااااااااا فوق حد احتمالي اصعب مما تتخيل او يتخيل اي شخص ....المهم قضيت وقت كبير من التجربه دي وانا بالوم ربنا وباعاتبه كتير ...لحد ما قعدت مع نفسي ..وفكرت ان بدل ما اعاتب ربنا طيب ما اروحله ... حسيت ربنا بيبعتلي ايات وارشادات واشخاص لاني ابتديت اول الطريق اني فكرت بس الجا ليه ..انا مشيت ناحيته خطوه ..هو مشي ناحيتي اتنين ...واتحققت الايه اللي بتقول ارجعوا الي ارجع اليكم ...بعد شويه بقيت بكلمه كل يوم في الرايحه والجايه كده من غير مقدمات ....بدات ماحسش غير براحه وفرح وسلام ومش فارق معايا التجربه دي تخلص او لا ...بقيت حاسه اني مكسوفه اطلب منه لان محبتي ليه مش مصلحه ولا عشان يحقق لي طلبتي في انتهاء التجربه دي ..
كان كل صلاتي اني عايزه اوصل لعنده وبس باي شكل وباي طريقه هو بقي يرسم طريقي لعنده بمعرفته هو يتصرف ويمسك ايدي ...حسيت بيه بجد ماسك ايدي ..وساندني ومقويني ...في الوقت ده اتحققت الايه اللي بتقول اطلبوا اولا ملكوت الله وبره وهذه كلها تزاد لكم ....مش ممكن تتخيل قد ايه ربنا شال من علي كتفي التجربه بكل تقلها وبكل مصاعبها في غمضه عين ..فعلا من غير مبالغه ...في غمضه عين ..رغم انها كانت قويه وتقيله ولكن برغم كل تقلها وانا معاه محسيتش بيها ولما بقيت معاه بقت تخف شويه بشويه لانه كان بيشلها عني نهائي ....
مش عايزه اطول في الحكايات ولا انا من هواه الكلام الكتير ...لكن ارجو من كل قلبي ..انك تلاقي راحه في المسيح زي ما لقيتها انا ..مش هاتلاقي احن منه ..اللي شال خطايا العالم كله مش هايقدر يشيل تجربه صغيره (مهما بانت في عنينا كبيره )
لكن نصيحتي ليك امشي خطوه خطوه ...ارجع اليه يرجع ليك ..واطلب ملكوته وبره اولا ..وكله هايستجيب ليه ويزود البركه كمان ... وهو امين وصادق في وعوده .. لا تخف .امن فقط ..
ونصيحتي ليك ..اوعي تبيع جزء من جسدك ..دي وزنه هاتتحاسب عليها...
صلي لاجلي
لؤلؤه كثيره الثمن
__________________
وأما أنا فقد اتيت لتكون لهم حياه وليكون لهم افضل (يوحنا 10 :10)
ــــــــــــــــــــــــــــــــــــــــــــ ــــــــــــــــــــــــــــــــــــــ
لا تطمع ان احببت احدا ان يحبك ايضا ....لان الذي يحب ولا يحب يصير الله مديونا له عن حبه .....

آخر تعديل بواسطة لؤلؤه كثيره الثمن ، 25-03-2010 الساعة 09:15 PM
الرد مع إقتباس