[Mirage Guardian]

يا عم ساويرس كبر دماغك عن التوافه دى..
دى تصرفات ناس بسطاء نيتهم بسيطة ولما تشوف حد عمل كدا فهمه غلطه..

لكن الفيلم ماله يا عزيزى.. ده كفايه انه من أوله لآخره عن أخر 12 ساعة فى حياة المسيح..

وبالمناسبة.. ممكن يكون فى الفيلم أخطاء طقسية أو تاريخية كتير زى الأفلام اللى سبقته.. أو حتى ممكن يكون متناول جانب درامى سينيمائى وخرج بره الموضوع.. كل ده ممكن يحصل..

لكن فيه حاجات تانيه.. ميل جيبسون تحديدا من مجموعة الفاتيكان2 (الغيورة دينيا) والتى رفضت قرار الفاتيكان بخصوص وثيقة براءة اليهود من دم المسيح..

الفيلم ذاق ميل جيبسون الأمرين حتى يرى النور وأكيد فهو لم يفعل هذا من أجل عمل واهى أو ضعيف.. توقع شئ جبار.. كفاية اننا نشوف فى اعلانات السنيما اسم الفيلم "آلام المسيح" مغرق الجرايد وهو من أوله لآخره عن الصلب.. وطبعا الفيلم هايثير اليهود المتهمين بتعذيب وقتل المسيح بأسلوب ركز عليه ميل جيبسون جدا جدا.. وأكيد من ناحية تانية هايثير الجماعة بتوع "ما صلبوه وما قتلوه ولكن شبه لهم"

توقع مقالات وانتقادات وهجوم ودفاع ودم للركب بعد الفيلم ده.. طبعاً لازم يتشاف ويتفصص مننا حته حته لأنهم مش هايهاجموا ميل جيبسون.. دول هايهاجموا المسيح

تحياتى ومحبتى