|
يا عم عنتر ما تقلقش و ما تشيلش هم
فيه مراتب بكل الأسعار و كل المستويات , فيه اسفنج عاديه خالص مالهاش ماركه من اول 200 أو 300 جنيه , فيه تاكى و حاجات احسن شويه من اول 500 لغاية الف و فيه انك تسقط على منجد بلدى من بتوع زمان ينجد لك واحده قطن - واحده مرتبه يعنى - و يكون القماش و القطن و كل حاجه من عنده , ها تكلفك برضه بتاع 200 او 300 جنيه , و ممكن لما تيجى مسافر تبيعها و تاخد فلوسها .
فيه حل كمان انك تاخد شقه مفروشه فى الشيخ زايد بأيجار فى حدود 400 او 500 جنيه فى الشهر , و تقضى فيها الشهر زى ما انت عايز .
و ممكن كمان تضرب على فلوس الفندق و تنزل فى فندق تانى ارخص شويتين , بنسيون المحطه , الليله ب 180 قرش , بنسيون السمك البياض فى شارع الجيش الليله ب 130 قرش , بنسيون نعيمه , خدمه ممتازه , الليله بأتنين جنيه شامله المنافع , يعنى فول بورد .
و فيه قبل ده كله , انك تتفضل تشرفنى فى بيتى و تبقى ضيفنا الكام يوم دول , و أن ما شالتكش الارض ها نشيلك فوق دماغنا من فوق .
دى مش مجرد كلام , دى دعوه بجد يا صديقى
علشان تعرف مين هما المسيحيين
المفدى
|